AMEA Fəlsəfə və Sosiologiya İnstitutunun aparıcı elmi işcisi, fəlsəfə üzrə fəlsəfə doktoru Adil Cəmil oğlu Qurbanov dünyasını dəyişib
Adil Qurbanov 1958-ci ildə Azərbaycan Respublikası, Cəbrayıl rayonu, Minbaşılı kəndində anadan olub. 1986-cı ildə Azərbaycan Dövlət Universitetinə (indiki Bakı Dövlət Universiteti) daxil olmuş, daha sonra T.Q.Şevçenko adına Kiyev Dövlət Universitetinin “sosial-siyasi münasibətlər” fakültəsinə əyani təhsilini davam etdirmək üçün göndərilmişdir. 1991-ci ildə Kiyev Dövlət Universitetinin “filosof, sosial-siyasi münasibətlər” üzrə ixtisasıı bitirmişdir. Sosial fəlsəfə ixtisası üzrə “Tarixi prosesdə ekoloji komponentlərin rolu (sosial-fəlsəfi təhlil)” adlı dissertasiya mövzusunu müdafiə etmiş və fəlsəfə üzrə fəlsəfə doktoru (PhD) elmi dərəcəsi almışdır. Adil Cəmil oğlu Qurbanovun Azərbaycanda və beynəlxalq elmi jurnallarda 60-dan çox elmi məqaləsi dərc olunub. Sivilizasiyanın ekoloji perspektivləri adlı kitabı, tədris proqramı, qloballaşma, milli identiklik məsələləri, inteqrasiya prosesləri və multikulturalizm, cəmiyyətin və elm-təhsil sisteminin informasiyalaşdırılması, qloballaşmada milli mentalitet məsələləri və s. problemlemlərə dair əhəmiyyətli tədqiqatlar aparmışdır. O, AMEA-nın Fəlsəfə və Sosiologiya İnstitutunun böyük elmi işçisi və Sumqayıt Dövlət Universitetinin Sosial elmlər kafedrasının dosenti vəzifəsində calışırdı.
Allah rəhmət eləsin…!
Bütün xəbərlər Facebook səhifəmizdə
USD
EUR
GBP
RUB