"Azərbaycanın mədəni irsi turizm baxımından həm ölkənin tarixi zənginliyini, həm də milli kimliyini yerli və xarici turistlərə təqdim edən əsas amillərdən biridir". Bu sözləri SİA-ya açıqlamasında Azərbaycan Turizm Agentlikləri Assosiasiyasının İdarə Heyətinin sədri Göydəniz Qəhrəmanov deyib.
Onun sözlərinə görə, tarixi abidələr və memarlıq nümunələri – İçərişəhər, Qız Qalası və Şirvanşahlar Sarayı – ölkənin mədəni mirasının parlaq göstəricisi kimi diqqət çəkir: "Bu abidələr yalnız turistlərin marağına səbəb olmur, həm də Azərbaycanın tarixi inkişafı və mədəni kimliyi barədə mühüm məlumat verir.
Mədəni irsin təqdimində muzeylər və sərgilərin rolu böyükdür. Dövlət Tarixi Muzeyi, Qobustan qayaüstü rəsmləri və digər mərkəzlər ziyarətçilərə tarix, sənət və mədəniyyət haqqında ətraflı bilgilər təqdim edir. Belə məkanlar həm təhsil, həm də turizm baxımından əhəmiyyət daşıyır və ölkənin qədim irsini gələcək nəsillərə çatdırır.
Azərbaycanın milli bayramları, musiqi və rəqs festivalları da mədəni irsin canlı şəkildə nümayişinə imkan yaradır. Novruz bayramı və digər regional tədbirlər həm yerli sakinlərin, həm də əcnəbi turistlərin ölkənin mədəni həyatına yaxından qoşulmasına şərait yaradır. Turizm marşrutlarının hazırlanması və peşəkar bələdçilərin fəaliyyəti mədəni irsin düzgün və cəlbedici təqdimatını təmin edir. Bu marşrutlar abidələrin sadəcə ziyarət edilməsindən ibarət deyil, eyni zamanda tarixi kontekst və mədəni hekayələrlə zənginləşdirilmiş unudulmaz təcrübə yaradır. Beləliklə, Azərbaycan mədəni irsi turizm vasitəsilə həm iqtisadi fayda gətirir, həm də ölkənin mədəni dəyərlərinin beynəlxalq miqyasda tanınmasına mühüm töhfə verir".
Bütün xəbərlər Facebook səhifəmizdə
USD
EUR
GBP
RUB
