Mədəniyyət və turizm naziri Mehmet Nuri Ersoy Türkiyənin ən çox turist cəlb edən 4-cü ölkə olduğunu söyləyərək yeni hədəfin ilk 3-lük olduğunu bildirib. SİA bu barədə Türkiyə saytlarına istinad edir.
Şanlıurfa Mədəniyyət Yolu Festivalında media nümayəndələri ilə görüşündə M.N.Ersoy deyib: “Şanlıurfa tarixi və qastronomiyası ilə bənzərsiz bir şəhərdir. Bölgə böyük turizm potensialına malikdir.
Festival çərçivəsində şəhərdəki bütün təyyarə biletləri alınıb, otellər dolub.
Turizmdə mövsümü 12 aya qədər uzatmağı düşünürük. Günəş, qum və dənizdən başqa, Türkiyənin mədəni və arxeoloji dəyərləri ilə bağlı bütün bölgələrini tanıtmaq istəyirik.
Türkiyə hal-hazırda ən çox turist cəlb edən dördüncü ölkədir. İtaliyanı keçərək 4-cü yeri tutduq.
2028-ci ilə qədər hədəfimiz 80 milyona yaxın turist cəlb etməklə ilk 3-lüyə daxil olmaqdır”.
Bütün xəbərlər Facebook səhifəmizdə
USD
EUR
GBP
RUB