Türkiyənin ən çox turist qəbul edən şəhərlərindən biri olan İstanbul ilin ilk 2 ayında 2 milyon 457 min 518 xarici ziyarətçiyə ev sahibliyi edib. SİA bu barədə Türkiyə saytlarına istinad edir.
Mədəniyyət və Turizm Nazirliyindən verilən məlumata görə, yanvar və fevral aylarında İstanbula gələn xarici ziyarətçilərin sayı keçən ilin eyni dövrü ilə müqayisədə 8,08 faiz artıb.
İlk 2 ayda Türkiyəyə gələn 4 milyon 341 min 606 turistin yarısını qəbul edən İstanbul fevral ayında daha çox rus turistlər tərəfindən ziyarət edilib.
Fevral ayında İstanbulu Rusiya Federasiyasından 138 min 957, Almaniyadan 95 min 465, İrandan 75 min 312, İngiltərədən 56 min 430, Fransadan 48 min 902, Səudiyyə Ərəbistanından 43 min 415 və Amerika Birləşmiş Ştatlarından 41 min 472 turist ziyarət edib.
Bütün xəbərlər Facebook səhifəmizdə
USD
EUR
GBP
RUB