Çinin xaricdəki səfirlikləri yenidən xarici vətəndaşlara turist vizası və digər növ səyahət vizaları verməyə başlayacaq. SİA bu barədə Tükiyə saytlarına istinad edir.
Çin Xarici İşlər Nazirliyinin Konsulluq İşləri Departamentindən verilən açıqlamada səfirliklər, konsulluqlar və gömrükdəki viza idarələrinin yeni növ koronavirusun (Covid-19) başlanğıcında dayandırılan viza prosedurlarına yenidən başlayacağı bildirilib.
Açıqlamada turist vizaları və müvəqqəti tranzit vizaları da daxil olmaqla bütün növ vizalar üçün müraciət və təsdiqlərin qəbulunun bərpa ediləcəyi bildirilib və viza prosedurlarının dayandırıldığı 28 mart 2020-ci ilə qədər verilən vizaların da qüvvədə olacağı qeyd olunub.
Açıqlamada gömrükdən müvəqqəti tranzit üçün verilən vizalarda səfər səbəbinin qanuniliyinə aidiyyatı qurumların qərar verəcəyi vurğulanıb.
Bundan əlavə, Haynan adasına və Honq Konq və Makaonun Xüsusi İnzibati Bölgələrindən Quanqdonq əyalətinə qrup səfərləri üçün vizasız girişin təmin ediləcəyi bildirilib.
Xatırladaq ki, Çin "Covid-19" epidemiyasının başlamasından sonra 2020-ci ilin martında sərhədlərini xarici dünyaya bağladı və bütün vizaları dayandırdı.
8 yanvar 2023-cü il tarixində ölkə "Covid-19" epidemiyasına “A kateqoriyalı epidemiya” kimi yanaşmağı dayandırdı, Sərhəd Sağlamlığı və Karantin Qanunu çərçivəsində tətbiq edilən tədbirləri və məhdudiyyətləri ləğv etdi və sərhədlərini yenidən açdı.
Bütün xəbərlər Facebook səhifəmizdə
USD
EUR
GBP
RUB
