Dünyanı təsir altına alan yeni növ koronavirus (Covid-19) epidemiyası zamanı Təhlükəsiz Turizm Sertifikatı proqramı ilə turistləri qəbul etməyə davam edən Antalya, ötən il 13,5 milyon xarici ziyarətçi qəbul edib. SİA bu barədə Tükiyə saytlarına istinad edir.
Antalya Mədəniyyət və Turizm Müdirliyinin hesabatına görə 2023-cü il mövsümü üçün ümidverici atmosferin hökm sürdüyü şəhərə yanvar ayında hava yolu ilə gələn xarici turistlərin sayı, əvvəlki ilə müqayisədə 58% artımla 219 min 647-yə çatıb.
Hesabatda bildirilib ki, cari ilin ilk ayında ən çox turistin gəldiyi ölkələr arasında hər il olduğu kimi yenə Rusiya birinci sırada yerləşib. Yanvarda Rusiyadan 71 min 752 turist gəlib. Bu ölkəni sırası ilə Almaniya (35 min 214), İngiltərə (13 min 512), Polşa (8 min 86) və İsrail (7 min 570 ) izləyib.
Bütün xəbərlər Facebook səhifəmizdə
.jpg)
USD
EUR
GBP
RUB