İlin ilk 11 ayında Antalyaya hava yolu ilə gələn turist sayı 13 milyon 138 min 88-ə çatıb.
Dənizi, qumu, günəşi, tarixi-mədəni zənginlikləri, qədim şəhərləri, təbii gözəllikləri, sağlam və təhlükəsiz turizm xidməti ilə turistləri özünə cəlb edən Antalyada müxtəlif ölkələrdən gələn qonaqlar istirahət edir.
SİA xəbər verir ki, Antalya Vilayət Mədəniyyət və Turizm Müdirliyinin məlumatına görə, 1 yanvar - 30 noyabr tarixləri arasında şəhərə hava yolu ilə gələn turistlərin sayı keçən ilin müvafiq dövrü ilə müqayisədə 48 artaraq 13 milyon 138 min 88-ə çatıb.
Şəhərə ən çox turist göndərən ölkələr sırasıyla Rusiya, Almaniya, İngiltərə, Polşa və Hollandiya olub.
Digər tərəfdən, turizm rekordlarının qırıldığı 2019-cu ilin noyabr ayında 335 min qonağın daxil olduğu Antalyaya cari ilin müvafiq dövründə 394 min 791 turist gəlib.
Bütün xəbərlər Facebook səhifəmizdə
USD
EUR
GBP
RUB
