Avropa Yayımları Birliyindən Azərbaycana “Eurovision-2012” təşəkkürü
Cenevrədə Avropa Yayımları Birliyinin (EBU) 67-ci Baş Assambleyasının iclası başlayıb. İctimai Teleradionun ictimaiyyətlə əlaqələr və internet şöbəsindən verilən məlumata görə, iclası açan EBU prezidenti Jan-Pol Flippot toplantının keçiriləcəyi iki gün ərzində təşkilatın və üzv ölkələrin ictimai yayımçılarının fəaliyyəti, o cümlədən müasir media sahəsindəki bir çox yeniliklər barədə müzakirələrin aparılacağını bildirib.
EBU-nun baş direktoru İngrid Deltenre təşkilatın böyük layihələrindən danışıb. O, bu layihələr sırasında olan "Eurovision-2012"yə hazırlıq işlərinə görə ev sahibi kimi Azərbaycan tərəfinə təşəkkürünü bildirib.
Azərbaycan nümayəndə heyəti sessiyanın işində iştirak edir.
Bütün xəbərlər Facebook səhifəmizdə