Bu gün Bakı şəhər Gənclər və İdman Baş İdarəsinin inzibati binasında Gənclər və İdman Nazirliyinin tapşırığına əsasən Baş İdarə tərəfindən 2019-2020-ci tədris ilində ilk dəfə məktəbə gedən aztəminatlı ailələrdən olan uşaqlara məktəbli çantası və məktəb ləvazimatlarının verilməsi ilə bağlı tədbir keçirilib.
Tədbiri giriş sözü ilə açan Bakı şəhər Gənclər və İdman Baş İdarəsinin rəisi Raqif Abbasov ilk dəfə məktəbə gedən bütün uşaqları Gənclər və İdman naziri cənab Azad Rəhimov adından salamlayıb, onlara təhsillərində müvəffəqiyyətlər arzulamışdır. BŞGİBİ-nin rəhbəri R.Abbasov bildirmişdir ki, bu cür tədbirlər artıq ənənə halını almışdır. Tədbirin məqsədi Prezident İlham Əliyevin dövlət gənclər siyasəti ilə bağlı "Azərbaycan gəncliyi 2017-2021-ci illərdə” Dövlət Proqramının icrası və sosial müdafiəyə ehtiyacı olan uşaqlara dövlət qayğısının artırılmasından ibarətdir. Və uşaqların hər sahədə inkişafını təmin etmək üçün dövlət tərəfindən hər cür şərait yaradılmışdır.
Çıxışdan sonra paytaxtin 11 inzibati rayonunu təmsil edən ilk dəfə məktəbə gedəcək uşaqlara məktəbli çantası və məktəb ləvazimatları hədiyyə edilib.
Tədbirdə iştirak edən valideynlər göstərilən diqqət və qayğıya görə dövlətimizə minnətdarlığını ifadə ediblər.
Sonda bütün tədbir iştirakçıları ilə birgə xatirə şəkli çəkilmişdir.
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB