Bu həftə futbol üzrə Azərbaycan Premyer Liqasında 18-ci turun oyunları keçiriləcək. SİA-nın məlumatına görə, “Qəbələ” öz meydanında “Keşlə” ilə üz-üzə gələcək. Qarşılaşma fevralın 23-də keçiriləcək. Qəbələ şəhər stadionundakı matç “qırmızı-qaralar”ın paytaxt təmsilçisi ilə 48-ci oyunu olacaq.
Əvvəlki 47 oyundan 15-də qələbə qazanan “Qəbələ” digər oyunlarda 16 heç-heçə və eyni sayda məğlubiyyətlə üzləşib. Bu duellərdə ümumilikdə 110 qol vurulub. 50 dəfə rəqib qapısına yol tapan “Qəbələ” futbolçuları 60 qol buraxıb. “Keşlə” ilə oyunlarda “Qəbələ”nin ən məhsuldar oyunçusu 5 qola sevinən Daniel Subotiçdir.
47 oyundan 42-si Premyer Liqa, 5-i kubok çərçivəsində keçirilib. Çempionat matçlarında 12 dəfə qalib gələn “Qəbələ” 16 heç-heçə edib və 14 dəfə uduzub. Komanda 43 qol vurduğu bu qarşılaşmalarda 53 top buraxıb.
“Qəbələ” 24-cü dəfə “Keşlə”ni öz meydanında qonaq edəcək. Evdə üstünlüyə malik olan “qırmızı-qaralar” 8 qələbə qazanıb, 10 heç-heçə edib və 5 dəfə uduzub. Rəqib qapısından 27 top keçirən futbolçular 22 qol buraxıb.
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB