Mübariz Əhmədoğlu: "Paşinyan "Dağlıq Qarabağ əhalisi"nin marağını tanımalıdır"

Yenə də Ermənistanın baş naziri xarici siyasətdə naşı olduğunu göstərməkdədir. Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu sözügedən məsələ ilə bağlı bildirib ki, Nikol Paşinyan bəzən öz "icadlarına" vurulur və onları tez-tez təkrarlayır: "Onun belə icadlarından biri "Dağlıq Qarabağ tənzimlənməsi variantının Dağlıq Qarabağ, Ermənistan və Azərbaycan xalqlarının maraqlarına cavab verməlidir" fikridir. N.Paşinyanın bu tezisini ermənilər arasında rəy fomalaşdırmaq kimi də başa düşmək olar. Paşinyan ermənilərə aşılayır ki, Azərbaycanın maraqları tanınmadan Dağlıq Qarabağ məsələsi həll olunmayacaq. Ermənilərin əksəriyyətinin fikrincə, Dağlıq Qarabağ yalnız ermənilərin marağı əsasında həllini tapmalıdır. Paşinyanın bu fikrində beynəlxalq ictimaiyyəti aldatmaq, beynəlxalq aləmdə əksəriyyətin məlumatsızlığından sui-istifadə konteksti də var. "Artsax" (Dağlıq Qarabağ) xalqı və yaxud Dağlıq Qarabağ ermənisi adlı xalq yoxdur. Dağlıq Qarabağdakı ermənilər İrandan köçürüldükləri üçün dillərində 15 faiz fars-türk sözləri var".M.Əhmədoğlu onu da bildirib ki, Paşinyan beynəlxalq aləmə hörmət etmək vərdişinə sahiblənməlidir: "Qərbi ermənilərlə Yerevandakı ermənilər arasındakı fərq, təxminən, 80 faizdir. Hətta bir-birlərinin dillərini başa düşmürlər. Ermənistan ermənisi ilə diaspor ermənisinin danışması üçün tərcüməçi lazım olur. N.Paşinyan beynəlxalq aləmə hörmət etmək vərdişinə sahiblənməlidir. Görünür N.Paşinyan vəzifədən getməyi düşündüyü üçün beynəlxalq ictimaiyyətə hörmət anlayışını ağlına gətirmir. ATƏT-in Minsk Qrupu həmsədrlərinin hazırladığı sənədlərdə də "Dağlıq Qarabağ əhalisi" ifadəsi mövcuddur. Dağlıq Qarabağın statusu da daxil olmaqla, bütün vacib məsələləri "Dağlıq Qarabağ əhalisi" müəyyən etməlidir. "Dağlıq Qarabağ əhalisi" dedikdə, Dağlıq Qarabağın erməniləri və azərbaycanlıların birgə məcmuyu başa düşülür".Politoloqun sözlərinə görə, N.Paşinyan ATƏT-in Minsk Qrupunu qaçırtmaq istəmirsə, "Dağlıq Qarabağ münaqişəsinin tənzimlənməsi "Dağlıq Qarabağ əhalisinin" maraqlarına xidmət etməlidir" tezisini aktuallaşdırmalıdır: "N.Paşinyan ancaq öz-özünü aldada bilər. Dağlıq Qarabağ münaqişəsinin tənzimlənməmiş qalması Ermənistanda problemlərin yaranmasını xeyli sürətləndirib".

R.HÜSEYNOVA

Bütün xəbərlər Facebook səhifəmizdə

loading...