“Son 16 ildə Azərbaycan iqtisadi cəhətdən güclü, özünü təmin edən, rəqabətə davamlı ölkəyə çevrilib. Ölkəmizin iqtisadi gücünün artması sosial müdafiə sisteminin gücləndirilməsində də özünü ehtiva edir. Belə ki, cənab Prezidentin müvafiq Fərman və sərəncamları ilə insanların sosial rifahının yüksəldilməsi məqsədi ilə davamlı olaraq tədbirlər həyata keçirilir. Bütün bunlar isə ölkəmizdə vətəndaş məmnunluğunu daha da artırır”. Bu fikirləri SİA-ya açıqlamasında milli Məclisin deputatı Cavanşir Paşazadə deyib.
Xalqımızın ölkə Prezidentinə böyük etimad göstərdiyini deyən deputat söyləyib ki, Azərbaycanın uğurları, əldə olunan nailiyyətləri bəzi dairələri narahat edir: “ Bunun nəticəsidir ki, Anti-Azərbaycan qüvvələri zaman-zaman ölkəmizə qarşı qarayaxma kampaniyaları aparmağa çalışır, ölkəmizin beynəlxalq imicinə, inkişafına zərbə vurmağa çalışırlar. Onların sifarişlərini yerinə yetirən “Trensparency İnternational”, “Amnisty İnternational” və digər bu kimi qurumlar ölkəmiz haqqında yalan, böhtan, dezinformasiya xarakterli məlumatlar yayır, Azərbaycanı beynəlxalq qınaq obyektinə çevirməyə, ölkə daxilində “5-ci kolon” vasitəsilə ictimai narazılıq formalaşdırmağa cəhd göstərirlər. Amma bunlar heç bir nəticə verməyəcək”.
C. Paşazadə qeyd edib ki, Azərbaycanda əldə olunan nailiyyətlərin başlıca səbəbi xalq-Prezident birliyidir: “ Bu baxımdan cəmiyyətimizi, xalqımızın fikirlərini qarayaxma kampaniyaları ilə çaşdırmaq mümkün deyil. İctimaiyyət hər zaman onlara layiqli cavabını verir və bundan sonra da verəcək”.
Bütün xəbərlər Facebook səhifəmizdə
.jpg)
USD
EUR
GBP
RUB