Trabzonun turizm sektoru Yaxın Şərqdən gələnlərin sayında azalma səbəbiylə geriləmə yaşayır. Regional hakimiyyət orqanları yeni ölkələrdən turistlərin cəlb edilməsi variantlarını nəzərdən keçirir.
SİA-nın rus saytlarından əldə etdiyi məlumata görə, Qara dənizin əsas kurortlarından biri olan Türkiyənin Trabzon şəhəri bu mövsüm xarici turistlərin sayının gözləniləndən xeyli az olduğu vəziyyətlə üzləşib.
Turizm sənayesi nümayəndələrinin fikrincə, azalmanın əsas səbəbi ən çox istirahət edənlərin ənənəvi olaraq gəldiyi Körfəz ölkələrində qeyri-sabit iqtisadi şərait olub.
Eyni sayda - gündə təxminən 24 uçuşun saxlanmasına baxmayaraq, təyyarələr indi dolu deyil.
Mövsümlərarası dövrdə mehmanxanaların orta doluluq səviyyəsi 40 faizi keçmir, yayda isə cəmi 85 faizə çatır ki, bu da yerli biznesi yeni bazarlar axtarmağa məcbur edir.
Mütəxəssislər Yaxın Şərqdən asılılığı azaltmaq üçün Avropa və Mərkəzi Asiyadan, o cümlədən Almaniya və Özbəkistandan turistləri daha fəal cəlb etməyi təklif edirlər.
Bunu tourprom.ru yazır.
Deyilənlərə görə, Trabzondakı vəziyyət uzun illərdən sonra ilk dəfə tənəzzül əlamətləri göstərən Türkiyə turizminin ümumi problemini əks etdirir.
Ölkədə artan qiymətlər onu ənənəvi ziyarətçilər üçün daha az əlçatan edir və turoperatorları öz təşviqi strategiyalarına yenidən baxmağa məcbur edir.
Regional hakimiyyət ümid edir ki, turist axınının şaxələndirilməsi kurortun əvvəlki populyarlığını bərpa etməyə kömək edəcək.
Əli Babayev
Bütün xəbərlər Facebook səhifəmizdə
.jpg "Dəhliz ətrafında nə baş verir?")
.jpg "Rusiya Qafqazda yeni müharibəyə hazırlaşır")
.jpg)
USD
EUR
GBP
RUB