Bakıda və Abşeron yarımadasında mayın 3-də gün ərzində buludlu hava şəraitinin üstünlük təşkil edəcəyi, əsasən səhər və gündüz bəzi yerlərdə qısamüddətli yağış yağacağı ehtimalı var. Gündüz mülayim cənub küləyi əsəcək. Ekologiya və Təbii Sərvətlər Nazirliyinin SİA-ya verilən xəbərə görə, havanın temperaturu gecə 10-15 dərəcə, gündüz 18-23 dərəcə isti olacağı gözlənilir. Azərbaycanın rayonlarında əsasən gecə və axşam bəzi yerlərdə şimşək çaxacaq, qısamüddətli yağış yağacaq. Ayrı-ayrı dağlıq və dağətəyi rayonlarda yağıntıların lokal leysan xarakterli intensiv olacağı, qərb rayonlarında dolu düşəcəyi ehtimalı var. Qərb küləyi əsəcək, arabir güclənəcək. Havanın temperaturu gecə 10-15 dərəcə, gündüz 23-28 dərəcə, dağlarda gecə 4-9 dərəcə, gündüz 13-18 dərəcə isti təşkil edəcək.

Bütün xəbərlər Facebook səhifəmizdə