İran prezidenti Həsən Ruhani, prezident seçkilərində kimin qalib gəldiyinin artıq bilindiyini söyləyib, onu təbrik edib, ancaq qalibin adını açıqlamayıb. SİA xəbər verir ki, Ruhani bunu İran televiziyası tərəfindən yayımlanan çıxışı zamanı bəyan edib.
Qeyd edək ki, İranda dünən, cümə günü prezident seçkiləri keçirilib. İki namizəd artıq məhkəmə sisteminin başçısı İbrahim Rəisini seçkilərdə qalib gəlməsi münasibətilə təbrik edib.
"Xalq deputatını təbrik edirəm. Hələ rəsmi olaraq elan edilmədiyi üçün qanunu nəzərə alaraq rəsmi təbrikləri bir az təxirə salacağam. Lazım olan səslərin kim tərəfindən alındığı dəqiqdir", deyə Ruhani söyləyib.
Xatırladaq ki, İran lideri postu uğrunda əvvəlcə yeddi namizəd yarışıb, ancaq üçü geri çəkilib. İran məhkəmə sisteminin başçısı İbrahim Rəisi, digər iki mühafizəkar siyasətçi - Qəbul edilmiş Qərarların məqsədəuyğunluğu Şurasının katibi Möhsün Rezai və İran Parlamenti sədrinin müavini Hüseyni Qazizadə Haşimi, habelə islahatçı və İran Mərkəzi Bankının keçmiş rəhbəri Abdulnasir Hemmati arasında mübarizə davam edib.
Diqqətə çatdıraq ki, bu zamana qədərki prezident Həsən Ruhani, ikinci səlahiyyət müddəti bitdiyindən seçkilərdə iştirak etmir. Ekspertlər, qələbəni İranın ali lideri Əli Xameneinin dəstəklədiyi məhkəmə sisteminin başçısı İbrahim Raisi qazanacağına inanırlar.
Bütün xəbərlər Facebook səhifəmizdə
USD
EUR
GBP
RUB