Birləşmiş Millətlər Təşkilatı (BMT) Suriyada vətəndaş müharibəsi başlayandan bəri həyatını itirən mülki vətəndaşların sayının təxminən 307 minə çatdığını açıqlayıb. SİA bu barədə Türkiyə saytlarına istinad edir.
BMT-nin İnsan Haqları üzrə Ali Komissarlığının açıqladığı hesabatda ölkədə müharibənin başladığı 1 mart 2011-ci il ilə 31 mart 2021-ci il tarixləri arasında münaqişə nəticəsində baş vermiş mülki itkilərlə bağlı yenilənmiş statistik məlumatlar paylaşılıb.
Hesabatda BMT-nin daha әvvәl paylaşdığı statistik məlumatlarda 143 min 350 mülki itkinin qeydə alındığı, aparılan araşdırmalar nәticәsindә eyni dövrdə 163 min 537 mülki vətəndaşın da qarşıdurmalar nəticəsində həyatını itirdiyi təxmin edilib.
Hazırlanan yeni hesabatda Suriyada vətəndaş müharibəsi başlayandan bəri həyatını itirən mülki vətəndaşların sayının təxminən 307 minə çatdığını bildirilib.
Bu rəqəmin Suriya əhalisinin 1,5 faizinə bərabər olduğu qeyd olunub. Hesabata әsasәn, 10 ildә gündә tәxminәn 83 mülki vәtәndaş qәtlә yetirilib.
Hesabatla bağlı açıqlama verən BMT-nin İnsan Haqları üzrə Ali Komissarı Mişel Baçelet itkin düşәn şәxslәrin dә hesabata daxil edildiyini deyib.
Bütün xəbərlər Facebook səhifəmizdə
USD
EUR
GBP
RUB