Nasa mütəxəssisləri raket qurğusunun mühərriklərinin sınaqlarını keçiriblər

Amerika Birləşmiş Ştatları Milli Aeronavtika və Kosmos İdarəsinin (NASA) mütəxəssisləri Mississippi ştatında Space Launch System (SLS) raket qurğusunun mühərriklərinin sınaqlarını keçiriblər. SİA xəbər verir ki, NASA sınaq kompleksinin ərazisində xüsusi bir dəstəyə quraşdırılmış dörd mühərrik eyni vaxtda təxminən bir dəqiqə işləyib. Bunun təxminən 8 dəqiqə davam edəcəyi gözlənilirdi. NASA-nın direktoru Cim Braydenstayn sınaqlardan sonra keçirilən mətbuat konfransında bildirib ki, bu gün hər şey plana uyğun getmədi, amma bir çox vacib məlumat alınıb. SLS layihə meneceri Con Heniket mühərriki söndürmək üçün avtomatik sistemin işə salındığını deyib.

Bütün xəbərlər Facebook səhifəmizdə

loading...