Türkiyə prezidenti Rəcəb Tayyib Ərdoğan Britaniyanın baş naziri Boris Conson, Almaniya kansleri Angela Merkel və Fransanın prezidenti Emmanuel Makrona İstanbulda və ya Suriya ilə sərhəddə yerləşən Şanlıurfa və Qaziantep şəhərlərində görüşməyi təklif edib. SİA-nın xarici mətbuata istinadən verdiyi xəbərə görə, bu barədə Türkiyə prezidenti Rəcəb Tayyib Ərdoğan məlumat verib.
“İki gün əvvəl Boris Conson mənə zəng edib Merkel və Makronla birlikdə Londonda görüşməyi təklif etdi. Cavab olaraq dedim ki, ən yaxşısı İstanbulda, yaxud sərhədə yaxın Şanlıurfa və ya Qaziantepdə görüşək”, - deyə Türkiyə prezidenti qeyd edib.
Onun sözlərinə görə, həmkarları Türkiyədə görüşdən imtina etsələr, onda belə bir görüş dekabrın 3-4-də Londonda NATO-nun sammiti zamanı keçirilə bilər.
Bütün xəbərlər Facebook səhifəmizdə
USD
EUR
GBP
RUB
