Xarici işlər naziri Mövlud Çavuşoğlu Türkiyənin İqtisadi Əməkdaşlıq Təşkilatının (İƏT) daha təsirli olması və dünya iqtisadiyyatında layiq olduğu payı əldə etməsi üçün üzərinə düşəni etməyə davam edəcəyini vurğulayıb. SİA bu barədə Tükiyə saytlarına istinad edir.
Çavuşoğlu Özbəkistanın paytaxtı Daşkənddə keçirilən İƏT Nazirlər Şurasının 26-cı iclasında iştirakçılara müraciət edib.
Bu yaxınlarda İƏT-in genişlənməsinin 30-cu ildönümünü qeyd etdiklərini deyən Çavuşoğlu genişlənmə ilə İƏT-in regionda iqtisadi əməkdaşlıq üçün əsas platformaya çevrildiyini vurğulayıb.
Qlobal iqtisadiyyatın hazırda böyük çətinliklərlə qarşı-qarşıya qaldığını qeyd edən Çavuşoğlu bu çətinliklərin öhdəsindən gəlmək üçün iqtisadi əməkdaşlığın gücləndirilməsinin vacibliyini ifadə edib.
İƏT-in xarici əlaqələrinə diqqət çəkən Çavuşoğlu Şimali Kıbrıs (Kipr) Türk Cümhuriyyətinin (KKTC) İƏT-in “Kıbrıs Türk Dövləti” adı ilə 3 müşahidəçisi arasında yer aldığını deyib.
Şimali Kıbrıs Türk Cümhuriyyətinin İƏT-in birgə işinə verdiyi töhfələrdə "ən fəal müşahidəçi" olduğunu qeyd edən Çavuşoğlu Kıbrıs türklərinin 11 ildir ki, İƏT-in bütün yüksək səviyyəli toplantılarına qatıldığını bildirib.
Çavuşoğlu Özbəkistana uğurlu növbəti sədrliyinə görə təşəkkür edib.
Türkiye İƏT-in daha effektiv olması və dünya iqtisadiyyatında layiq olduğu payı əldə etməsi üçün üzərinə düşəni etməyə davam edəcək”, deyə Çavuşoğlu qeyd edib.
Bu çətin qlobal mühitdə güclü iradə ilə İƏT-i gücləndirəcəklərinə diqqət çəkən Çavuşoğlu bu gün irəliləyiş üçün bu iradəni göstərdiklərini söyləyib.
Digər tərəfdən, nazir M.Çavuşoğlu Özbəkistandakı təmasları çərçivəsində Pakistanın xarici işlər naziri Bilaval Bhutto Zərdari, KKTC xarici işlər naziri Tahsin Ərtoğruloğlu və Özbəkistan xarici işlər nazirinin müavini Bəhtiyar Saidov ilə də görüşüb.
Bütün xəbərlər Facebook səhifəmizdə
USD
EUR
GBP
RUB