Quarejma “Lion”la qarşılaşmada meydana çıxacaq

UEFA Avropa Liqasının 1/4 final mərhələsinin cavab oyununda "Lion"la qarşılaşacaq "Beşiktaş"a zədəli futbolçusundan şad xəbər gəlib. Apasport.az saytının məlumatına görə, iki komanda arasındakı ilk oyunu zədə səbəbindən buraxan Rikardo Quarejma növbəti qarşılaşmaya qədər hazır olacaq.

Bu barədə xəbəri "Sabah" qəzeti yayıb. Türkiyəli həmkarlarımız bildiriblər ki, portuqaliyalı oyunçu "Trabzonspor"la oyunda zədələnəndən sonra artıq ümumi komanda ilə məşq edir. Onun ikinci matçda meydana çıxacağı gözlənilir. Qeyd edək ki, "Beşiktaş" – "Lion" matçı aprelin 20-də baş tutacaq.

Bütün xəbərlər Facebook səhifəmizdə

loading...