Səfir Guo Minin Çinin Azərbaycana yardım üçün verdiyi epidemiya əleyhinə materialların təhvil verilməsi mərasimində çıxış edib. SİA həmin çıxışı təqdim edir:
"Hörmətli Nazir müavini cənab Ramiz Həsənov, Hörmətli həmkarlar, media nümayəndələri və dostlar:
Çin və Azərbaycan arasında diplomatik əlaqələrin qurulmasının 28-ci ildönümündə, biz buraya Çinin Azərbaycana yardım üçün verdiyi epidemiya əleyhinə materialların təhvil verilməsi mərasiminin keçirilməsi üçün toplaşmışıq. Bu tədbir xüsusi əhəmiyyət kəsb edir, eləcədə Çin ilə Azərbaycan arasındakı dərin və incə dostluğu, yüksək qarşılıqlı etimadı nümayiş etdirir.
Hal-hazırda, insanların həyat təhlükəsizliyini və sağlamlığını böyük təhlükəyə məruz qoyan və qlobal ictimai sağlamlıq təhlükəsizliyinə böyük problemlər yaradan yeni koronavirus sətəlcəm epidemiyası bütün dünyada yayılmaqdadır. İlin əvvəlindən bəri, yeni növ koronavirus sətəlcəm epidemiyasının qəfil başlaması fonunda, Heç bir çətinlik və təhlükədən qorxmayan Çin hökuməti və Çin xalqı epidemiyaya qarşı xalq müharibəsini başlatdı.Çətin əmək və böyük fədakarlıqlardan sonra Çində epidemiyanın qarşısının alınması və nəzarətinin mövcud vəziyyəti yaxşılaşmaqda davam edir, istehsal və həyat tərzi sürətlə bərpa olunur.
Çin üçün ən çətin olan dövrdə Azərbaycan hökuməti və müxtəlif ölkələrdən olan dost insanlar Çinə müxtəlif yollarla güclü dəstək verdilər. Cənab Prezident İlham Əliyev dərhal Cənab sədr Si Cinpinə başsağlığı məktubu göndərdi.Sumqayıt şəhər icra hakimiyyəti Sichuan əyalətinin Mianyang şəhərinə və Shaanxi əyalətinin Sianşəhərinə çox sayda epidemiya qarşısının alınması üçün materiallar bağışladı.Heydər Əliyev Fondu və Nizami Gəncəvi Beynəlxalq Mərkəzi kimi Azərbaycanınictimai qrupları müvafiq kanalları vasitəsilə Çin ilə fəal şəkildə həmrəy olduqlarını ifadə etdilər. Bu çətin vəziyyətdə kömək olan dostluq münasibətlərini, biz həmişə qəlbimizdə saxlayacağıq.
Qlobal epidemiya vəziyyətinin getdikcə ağırlaşması ilə Azərbaycan hökuməti və xalqı da epidemiya ilə mübarizədə çox böyük təzyiq və çətinliklərlə üzləşir.Çin ilə Azərbaycan arasındakı dostluğu əks etdirmək üçün, Çin hökuməti 5000 nəfərlik Yeni növ koronavirus epidemiyasının aşkarlayıcı testlərini Azərbaycan tərəfinə hədiyyə etmək qərarına gəldi.Çin, həmçinin yaxın gələcəkdə Azərbaycana epidemiya əleyhinə maddi yardımın ikinci toplusunu, o cümlədən qeyri-invaziv respirator, qoruyucu geyim və s.təqdim edəcəkdir.Çinin Azərbaycandakı Səfirliyi müvafiq işləri fəal şəkildə həyata keçirəcəkdir.Bundan əlavə, Shanxi əyalətinin Xian şəhəri, Sichuan əyalətinin Mianyang şəhəri, Zhejiang əyalətinin Quzhou şəhəri və Çinin digər yerli əyalət və şəhərləri, eləcə də "Huawei Azerbaijan Technology Co., Ltd" şirkəti də mümkün qədər hər növ epidemiyanın qarşısının alınması materiallarını Azərbaycana hədiyyə etmək üçün fəal tədbirlər görür. Biz ümid edirik ki, yuxarıda göstərilən materiallar Azərbaycan tərəfinə epidemik profilaktika və nəzarət işlərini həyata keçirməkdə səmərəli və effektiv kömək edə bilər.
Cənab sədr Si Cinpin bu yaxınlarda Böyük 20-lik ölkələri liderlərinin xüsusi zirvə toplantısında əsas yoluxucu xəstəliklərin bütün bəşəriyyətin düşməni olduğunu qeyd etdi.Beynəlxalq ictimaiyyətin ən çox ehtiyacı olan şey, inamı gücləndirmək, birlikdə işləyərək çətinliyə birgə cavab vermək, beynəlxalq əməkdaşlığı hərtərəfli şəkildə gücləndirmək, epidemiyanı aradan qaldırmaq üçün bütün güc qüvvələrini birləşdirmək və əsas yoluxucu xəstəliklərə qarşı mübarizədə bəşəriyyətin qalib gəlməsi üçün əl-ələ verərək birlikdə çalışmaqdır. İnanıram ki, cənab Prezident İlham Əliyevin güclü rəhbərliyi altında, Çin və Azərbaycan çətinlikləri aradan qaldırmaq, epidemiyanı ən qısa müddətdə qarşısını almaq və daha gözəl bir sabahı qarşılamaq üçün birlikdə çalışacaqlar!".
Bütün xəbərlər Facebook səhifəmizdə
USD
EUR
GBP
RUB
