...İtaliyalı arxeoloqlar xarabalığa çevrilmiş Pompey şəhərinin yerində qədim ritualın təfərrüatlarını ortaya qoyan nəhəng freska aşkar ediblər.
SİA-nın məlumatına görə, bu barədə Reuters xəbər verir.
Alimlərin tapdığı friz - üfüqi zolaq şəklində olan dekorativ kompozisiya eramızdan əvvəl 40-30-cu illərə aiddir.
Fresk demək olar ki, tam ölçüdə yerləşir, banket zalının üç divarını əhatə edir. Burada şərab, məhsuldarlıq və teatr tanrısı Dionisin davamçılarının inisiasiya ayinlərinin təsvirləri var.
Arxeoloqların fikrincə, Dionisin sirləri adlanan gizli dini ayinlər, onlarda iştirak edənləri maarifləndirməyi və onların sonrakı həyatını təmin etməyi vəd edirdi.
Dionis kultunun bir hissəsi olaraq, iştirakçılar divar rəsmləri ilə sübut olunduğu kimi, başlanğıc ayini keçiriblər. Nəhəng frizdə kəsilmiş keçi çiyinlərində daşıyan, əllərində qılınc və heyvanın içalatı tutan rəqqas və ovçular təsvir olunub.
Kompozisiyanın mərkəzində zərif geyinmiş, görünür, başlanğıc ayinini gözləyən bir qadın var. Freskada maral, qaban, xoruz və tanrıya qurban kəsilən balıq da təsvir edilmişdir.
...100 ildən sonra bu gün tarixi kimi yadda qalacaq, çünki bu kəşf tarixi dəyərə malikdir.
İtaliyanın mədəniyyət naziri Alessandro Giulia bildirib bunu. Onun sözlərinə görə, friz qədim Aralıq dənizində həyatın az məlum olan tərəflərinə unikal şahidlik edir.
2024-cü ilin may ayında arxeoloqlar Pompeydə qladiator döyüşlərinin uşaq rəsmlərini tapmışdılar. Mütəxəssislər belə nəticəyə gəliblər ki, bu rəsmləri çəkənlər qladiator döyüşlərinin birbaşa şahidləri olublar.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB