Kanada Xəstəliklərin Qarşısının Alınması üzrə İşçi Qrupu siqareti tərgitməyə dair tövsiyələrinin yeni versiyasını təqdim edib.
SİA xəbər verir ki, bu barədə “İnfosalus” xəbər portalı məlumat yayıb.
Tütün asılılığından qurtulmağın təsirli vasitəsi kimi mütəxəssislər psixoloji dəstək, dərmanlar və yamaqlar, saqqızlar, pastillər, inhalerlər və burun spreyləri şəklində nikotin əvəzedici terapiya təklif edirlər.
Eyni zamanda, mütəxəssislər akupunktur, hipnoterapiya, lazer terapiyası, beynin elektrik stimulyasiyası, aurikulyar akupressura, S-adenosilmetionin (depressiya üçün əlavə olaraq istifadə olunur) ilə qida əlavələri, həmçinin məşhur xalq müalicəsi kimi üsullara müraciət etməyi məsləhət görmürlər.
Dərc edilmiş materiallarda qeyd olunur ki, siqaret çəkmək müxtəlif onkoloji xəstəliklərin, ürək-damar xəstəliklərinin və tənəffüs patologiyalarının inkişaf ehtimalını əhəmiyyətli dərəcədə artırır.
Bu zərər tütün tüstüsünün tərkibində 7 minə yaxın müxtəlif kimyəvi birləşmənin olması ilə əlaqədardır ki, onların arasında kanserogen xüsusiyyətlərə malik 70 maddə müəyyən edilmişdir.
Əli Babayev
Bütün xəbərlər Facebook səhifəmizdə
USD
EUR
GBP
RUB