Tədqiqatçılar üç endemik cinsə xüsusi diqqət yetiriblər: Draparnaldioides, Ireksokonia və Myxonemopsis.
Onlardan sonuncusu Baykal gölünün yaşıl yosunlarının nadir nümayəndəsidir.
SİA-nın rus saytlarından əldə etdiyi məlumata görə, Rusiya Elmlər Akademiyasının Sibir Bölməsinin Baykal Muzeyi Baykal gölünün yosunlarının bir il davam edən tədqiqini başa çatdırıb. Belə ki, elm adamları Draparnaldioides cinsinin Olxon morfotipi olan yeni növü müəyyən ediblər.
Məlumdur ki, o, suyun saflıq dərəcəsini nümayiş etdirə bilir. Alimlərin fikrincə, bu növ haqqında əvvəllər elmi ədəbiyyatda məlumat verilməyib.
Bununla belə, o, öz növünün onuncu nümayəndəsi ola bilər. Yalnız Baykal gölünə xas olan doqquz endemik növ 1920-ci illərdə botanik Konstantin Meyer tərəfindən tədqiq edilmişdir. Daha sonra onlar ayrı bir cinsə, Draparnaldioidesə birləşdirildi.
Yosunlar bir bitki örtüyü təşkil edir və bununla da gölün ekosistemində mühüm rol oynayır.
Bir il ərzində alimlər 70-dən çox yosun nümunəsi toplamağa nail olublar.
Qeyd edək ki, iki il əvvəl yosunların öyrənilməsi layihəsi Baykal Gölü Fondunun qrant proqramının qalibi olub. Baykal gölünün florası faunadan daha az təfərrüatlı şəkildə öyrənilmişdir. Bununla belə, yosunların da yüksək endemizm səviyyəsi var. Tədqiqatçılar üç endemik cinsə diqqət yetirdilər: Draparnaldioides, Ireksokonia və Myxonemopsis. Onlardan sonuncusu Baykal gölünün yaşıl yosunlarının son dərəcə nadir nümayəndəsidir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
