Binəqədi rayonunda çoxmərtəbəli yaşayış binasının 15-ci mərtəbəsində vətəndaşa məxsus ümumi sahəsi 96m² olan 3 otaqlı mənzilin mətbəxində paltaryuyan maşın və mətbəx mebeli 1 m² sahədə yanıb. FHN Bakıdakı binada baş vermiş yanğın hadisəsi ilə bağlı açıqlama yayıb.

Mənzilin qalan hissəsi yanğından mühafizə olunub. Yanğın saat 20:21-də yanğınsöndürənlər tərəfindən söndürülüb.

Xatırladaq ki, sözügedən binada ötən il mayın 19-da baş vermiş dəhşətli yanğın nəticəsində 15 nəfər vəfat etmişdi.

Bütün xəbərlər Facebook səhifəmizdə