Cəmil Həsənli siyasi “canavarların” əhatəsində qurbanlıq “quzuya” çevrilib
"Milli Şura" sədri Rüstəm İbrahimbəyovun quruma rəhbərlik postundan imtina etməsi prosesi əslində, gözlənildiyindən də tez başa çatdı. Belə ki, "Milli Şura" funksionerləri onun bu addımını sessiyada atacağını düşünürdülər. Daha dəqiq desək, sessiyanın gündəliyinə əsasən, R.İbrahimbəyov toplantının keçirildiyi gün telefon əlaqəsi saxlayaraq, qurum sədrliyindən istefa verəcəyini bəyan edəcəkdi. Lakin onun qərarını sessiyaya qədər atması arxasında ilginc məqamlar mövcuddur ki, bu da təməlli olaraq yaşanan uğursuzluqlardan boyun qaçırmaq anlamını daşıyır. Artıq, "Milli Şura"da İbrahimbəyov "epoxası" başa çatıb və qurumun prezidentliyə keçmiş namizədi Cəmil Həsənli siyasi "canavarların" əhatəsində qurbanlıq "quzuya" çevrilib. Artıq o, potensial qurbanlıq olaraq, başına gələcəklərini gözləməkdədir.
İbrahimbəyovun gedişindən öncə də itkilər var idi
Lakin "Milli Şura"da qaynayan hadisələr yalnız İbrahimbəyovun gedişi, eləcə də Həsənlinin qurbanlığa çevrilməsi ilə başa çatmır. Məsələ ondadır ki, hazırda qurumu öz monopoliyaları altına alamağa cəhd edən AXCP və Müsavat arasında da barışmaz mübarizə aparılmaqdadır.
Buna misal kimi sosial şəbəkələrdə, eləcə də partiyalara yaxınlığı ilə seçilən mətbuat səhifələrində davamlı təhqirlər şəklində gedən ittihamları göstərmək mümkündür. Hətta, İsa Qəmbər baş verənlərdən qəzəblənərək, rəsmi şəkildə "əxlaqsızlığa son qoyun" çağırışını da etmişdi. Yəni, baş müsavatçının ismarıcı bilavasitə "cəbhəçilərə" tərəf barmaq silkələməyi kimi başa düşüldü. Bu da təbii ki, çox yaxın vaxtlarda "Milli Şura" adlandırılan uğursuz layihə - qurumun tamamilə dağılacağını göstərir.
Lakin R.İbrahimbəyovun gedişindən öncə də itkilər var idi. Asəf Hacıyevin, Lalə Şövkət Hacıyevanın, Əvəz Temirxanın, Rəsul Quliyevin, Zəminə Dünyamalıyevanın, Solmaz Əsgərovanın, eləcə də digər tanınmış müxalifət təmsilçilərinin hələ bir neçə ay öncədən qurumu tərk etmələri sonradan baş verəcək hadisələri özü-özlüyündə proqnozlaşdırırdı. Ona görə də, R.İbrahimbəyovun istefasından təəccüblənməyə də dəyməz.
Növbə Cəmil Həsənlinindir
Halbuki, qurumun üzvləri düşünürdü ki, nəhayət uzun illərdən sonra nəyəsə nail olacaqlar. Hətta, 1998-ci ilin prezident seçkilərində prezidentliyə iddialı olan İ.Qəmbər də öz lideri Əbülfəz Elçibəyə güzəştə getmədiyi halda, 2013-cü il prezident seçkilərində R.İbrahimbəyova güzəşt etdi. Təbii ki, Müsavat başqanı heç bir uğur qazana bilməməsinin fərqində olub, prezidentlikdən aşağı vəzifəyə də gəlməyə razılıq vermişdi. Bunun səbəbi isə nəyin bahasına olursa-olsun, gələcək məqsədlərinə yiyələnmək arzusu idi. Artıq, R.İbrahimbəyov yoxdur və onun yoxluğu yuxarıda da qeyd edildiyi kimi C.Həsənlinin təklənəcəyini sürətləndirib. Nə İ.Qəmbər, nə də Ə.Kərimli heç bir halda Həsənlinin yenidən "lider" kimi görmək istəməyəcəklərini müxtəlif vasitələrlə həyata keçirməyə başlayacaqlar. "Milli Şura"da həmsədrlik institutunun yaradılması ideyası iflasa uğayıb və bu iflasın nəticəsi olaraq, AXCP-Müsavat qarşıdurması səbəbindən qurum öz işinə xitam verməsi ilə fəaliyyətini dayandıracaq.
Növbə isə əlbəttə ki, C.Həsənlinindir.
.jpg "Əlçatmaz Həmkarlar İttifaqı: biz hara gedirik?...")
.jpg "AQTA öz işini niyə görə bilmir?")
USD
EUR
GBP
RUB
