Artıq bu ölkədə yaşamağın heç bir mənası yoxdur
Bu gün Ermənistanda xalq aclıq və problemlər içərisində boğulur. Ölkə müxalifətinin əsas isimləri də minlərlə insanın Ermənistanı tərk etdiklərini bildirirlər. Özləri də etiraf edirlər ki, ölkədəki vəziyyət bundan sonra daha pisləşəcək.
Ermənistandakı dözülməz vəziyyət, insanların adi gündəlik çörək pulunu qazana bilməməsi ölkənin sürətlə, eyni zamanda kütləvi şəkildə boşalmasına səbəb olur.
Gördüyümüz mənzərə ürəkağrıdıcıdır
Ermənistanın "Şirak" analitik mərkəzinin hazırladığı son hesabatda qeyd olunur ki, Ermənistanın sərhəd kəndlərində vəziyyət bərbad haldadır. Buralar sanki ətraf aləmdən təcrid olunub. Mərkəzin əməkdaşları Amasisk rayonunun kəndlərinə baş çəkiblər. Gördüyümüz mənzərə ürəkağrıdıcıdır deyən müəllif hesabatında yazır ki, əsasən 20-50 ailənin yaşadığı kənd günbəgün boşalır. Reportajı hazırlayan erməni jurnalist qeyd edir ki, 30-35 km-lik yolu təxminən 2 saata gedə biliblər. Jurnalist gördüklərindən dəhşətə gələrək yazır ki, yollar çox pis vəziyyətdədir, bir çox insanların həyat tərzi isə ümumiyyətlə qorxuncdur. Bütün bunları sözlə ifadə etmək mümkün deyil, sadəcə olaraq buraya gəlməli və öz gözlərinizlə görməlisiniz.
Ölkədə pensiyalar kredit hesabına ödənilir
Ermənistanda parlament seçkilərindən və Tiqran Sarkisyanın baş nazir təyin olunmasından sonra Beynəlxalq Valyuta Fondu (BVF) Ermənistan üçün 50 milyon dollar yardım ayırıb. Bundan başqa Dünya Bankı isə 200 milyon dollar kreditin təsdiq edildiyini bəyan edib. Məlumatlara görə, Ermənistanda pensiya və müavinətlərin demək olar ki, yarısı BVF-nin birbaşa büdcəyə yönələn kreditləri hesabına verilir. Laqeydcəsinə böyük borclar yığan ölkələrin aqibətinin necə olduğunu Yunanıstan və bir çox başqa ölkələrin timsalında görürük. Həm də bu ölkələr axın ilə getdikləri təqdirdə əziyyət çəkirlər, çünki onlar hansısa məqamda bütün milli resursları özəlləşdirmək məcburiyyətindədirlər, müqavimət göstərdikləri halda isə onların dərilərini soyurlar.
Ac insanlar tətilə başlayıblar
Ağır iqtisadi və sosial şəraitin hökm sürdüyü Ermənistanda indi də avtobus sürücüləri tətilə başlayıblar. İyulun 11-də Kotaysk vilayətində İrəvan-Abovyan, Çarentsavan-İrəvan, eləcə də şəhər daxili avtobusların sürücüləri etiraz aksiyası keçirirlər. Məlumata görə, 80 avtobus və 40 sürücü xətdən çıxıb.
Qeyd edək ki, 6 ay öncədə eyni istiqamət üzrə hərəkət edən avtobusların sürücüsü işlərinə mane olduqları üçün \"Çiçəklənən Ermənistan\" partiyasının lideri Qaqik Sarukyanın pulsuz xeyriyyə avtobuslarından şikayət edirdilər.
Avtobusların sahibi olan şirkət rəhbərinin sözlərinə görə, xeyriyyə marşrutları qanunsuz işləyir: "Onlar başqalarının hesabına işləyirlər. Başqalarının hesabın xeyriyyə olmaz. Mən sürücüləri dəstəkləyirəm. Çünki onlar yanacaq ala və evlərinə 1000 dram belə pul apara bilmirlər".
Dərin iqtisadi böhran Ermənistanı sarsıdıb
Beynəlxalq Böhran Qrupu (ICG) isə Ermənistanla bağlı açıqladığı hesabatında qeyd edilir ki, may ayındakı seçkidən sonra Ermənistanda 2013-cü ilin seçkisinə hazırlıq gedir. Bu müəyyən edəcək ki, Ermənistan seçkilərdə saxtakarlıqdan nə qədər uzaqlaşa bilib, kompleks islahat keçirmək və Azərbaycanla olan problemi həll etmək üçün legitimliyi olan hökuməti necə formalaşdıra bilər. Bu seçicilər qarşısında dövlət başçısı kimi müdrikliyini göstərmək imkanı Serj Sarkisyan üçün yaxşı fürsətdir.
Sənəddə qeyd edilir ki, 2008-ci ildə seçkidən sonra siyasi böhran, eləcədə dərin iqtisadi böhran Ermənistanı sarsıdıb. Televiziya insanların böyük qismi üçün əsas informasiya mənbəyidir, lakin bu sahədə fikir müxtəlifliyi çatışmır. İslahatların böyük hissəsi kağız üzərində qalır, ya da elə formada hazırlanır ki, praktiki tətbiq mexanizmləri effektsiz olur
Döymək yox, güllələmək lazımdır
Ermənistandakı dözülməz vəziyyət hətta mədəniyyət nümayəndələrini də boğaza yığıb. Erməni yazıçı, dramaturq Varqam Saakyan öz pasportunu cıraraq Ermənistanın Milli Məclisinin "sifətinə çırpıb". O, bununla bağlı keçirilən mətbuat konfransında yaranan vəziyyətlə bağlı jurnalistlərə açıqlamasında artıq bu ölkədə yaşamağın heç bir mənasının olmadığını deyib.
Vaqram Saakyan eyni zamanda Levon Ter-Petrosyanı satqın adlandırıb. Xatırladaq ki, "Arsnakar" restoranında baş verən hadisədə bir neçə nəfər idman geyimində olan şəxslərlə təhlükəsizlik xidməti əməkdaşları arasında dava olmuşdu.
Bir müddət öncə də erməni şairi Ruden Azxerdyan Ermənistanı feodallar üçün böyük və iyrənc unitaza bənzətmişdi.
Bütün xəbərlər Facebook səhifəmizdə
USD
EUR
GBP
RUB
