Son 4 il ərzində (2008-2011) rejimin səriştəsiz və yarıtmaz fəaliyyətləri sonucunda iqtidarın və onun başında dayanan Sarksiyanın bütün vədləri boşa çıxıb. Ölkənin xarici borcu 1.5 milyarddan 3.8 milyarda yüksəlib. İnflyasiya 37.1, qida və kommunal xidmətlərdə qiymətlər 45.7 faiz artıb. 25 faiz dəyər itirən dramın süni olaraq qorunması məqsədi ilə ehtiyat fondundan 1 milyard dollardan çox vəsait xərcləyib. Erməni Milli Konqresinin lideri Levon Ter-Petrosyan bu açıqlamaları ölkənin hansı durumda olmasının açıq göstəricisidir.
Ermənistanda yoxsulların sayı artır
Müxalifətin əsas simalarından olan Levon Ter-Petrosyanın sözlərinə görə, vəzifədən sui-istifadə indeksində Ermənistan dünya ölkələri arasında 99-cu sıradan 129-cu yerə düşüb. İqtisadi monopoliya daha da güclənib, kiçik və orta sahibkarlı yox olma mərhələsinə çatıb. Yoxsulluğun statistik göstəricisi 12 faizdən 35 faizə çatıb. Ağır cinayətlərin və hüquqi pozuntuların sayı 8428-dən 16 min 572-yə yüksəlib. Xalq mitinqlərində 10 günahsız insan güllələnib, 80 nümayişçi silahlı və fiziki müdaxilələr nəticəsində yaralanıb, 100-dən çox insan siyasi səbəblərlə həbsxanalara salınıb. Atəşkəsə baxmayaraq 200 əsgər həyatını itirib, bunların böyük əksəriyyəti ordudakı nizamsızlıq, özbaşınalıq və korrupsiya nəticəsində baş verib. Media quruluşlarına və jurnalistlərə yönəlik onlarla məhkəmə iddiası açılıb. Millət vəkillərinin 58 faizi Ermənistan Konstitusiyasını kobudcasına pozaraq, öz mənafeləri və biznes fəaliyyətləri ilə məşğul olmaqdadırlar. Büdcədən maliyyələşən təşkilatlarda çalışanlar müxalif siyasi fikirlərinə görə işlərindən uzaqlaşdırılıblar. Erevan şəhər rəhbərliyi müxalifətin mitinq üçün 100-dən çox tələbini rədd edib. İcazə verdiyi günlərdə iqtidar sistematik olaraq Erevana girən şəhərlərarası yolları bağlayıb və ictimai nəqliyyatın hərəkətinə maneə törədilib. Xarici siyasət sahəsində Ermənistan üçün prioritet məsələlər olan Ermənistan-Türkiyə əlaqələri və Qarabağ probleminin həll dalana dirənib.
Ümidsiz ermənilər xaricə üz tuturlar
Ölkələrində insan kimi yaşamaq ümidləri boşa çıxan ermənilər xaricə üz tuturlar. Erməni mətbuatında ölkəni tərk edənlərin sayının sürətlə artması ilə bağlı xəbərlər yer alır. "Haykakan Jamanak" qəzetinin məlumatına görə, Ermənistandan çıxıb, geri qayıtmayanların sayı son 4 ildir sürətlə artmaqda davam edir. Təkcə bu ilin ilk 3 ayı ərzində Ermənistandan gedənlərin sayı 45 mini ötüb. Ötən ilin eyni dövrü ilə müqayisədə ölkədən gedənlərin sayı gələnlərdən 12.000 nəfər çox olub. Rəsmi statistikaya görə, 1991-ci ildə Ermənistanda olan 4,1 milyondan, hazırda 3,1 milyon əhali yaşayır. Amma qeyri-rəsmi statistikaya görə, ölkədə milyon yarım əhali var. Qəzetin yazdığına görə, insanların ölkəni tərk etməsi Ermənistanda sosial-iqtisadi və mənəvi-psixoloji duruma təsir göstərir. Bu da öz növbəsində demoqrafik fəlakətə aparıb çıxarır.
Uşaq ölümü ən yüksək həddə çatıb
Ermənistanda sonsuzluq xəstəliyi qadınlar və kişilər arasında yüksək templə artır.Həkim-seksopatoloq Vrej Şaqramanyan sözlərinə görə, Ümumdünya Səhiyyə Təşkilatının meyarlarına əsasən, sonsuzluğun 15 faiz ötdüyü ölkə ciddi fəlakət qarşısında dayanır: "Halbuki Ermənistanda sonsuzluq 15 faizi ötüb və 20 faizə yaxınlaşır. Hazırda klinikamıza müraciət edən hər üç cütlükdən biri sonsuzluq problemi ilə üzləşir. Ermənistanda sonsuzluq xəstəliyi tibbi problemə deyil, sosial-tibbi və ümummilli problemə çevrilib. Hər 4 sonsuzluq faktının biri isə boşanma ilə nəticələnir".
Pullar oliqarxların cibinə axır
Ermənistanın milli valyutası olan dram son günlərdə kəskin şəkildə qiymətdən düşərək dəyərini itirib. Bu isə, əhalinin ciddi narahatlığına səbəb olub. Banklardan kredit alan ermənilər daha çox ABŞ dollarına üstünlük verirlər. Ötən ay dollarla verilən kreditlərə tələbat kəskin artıb. Son bir həftə ərzində Ermənistan bankları Amerika dolları ilə 65.2 milyon dollar kredit verdiyi halda, dramla verilən kreditlərin həcmi 47 milyon dollardan az olub.
Erməni Milli Konqresi bəyan edib ki, Mərkəzi Bankın son 3-4 ayda dramın kursunu sabit saxlamaq üçün ölkənin valyuta ehtiyatlarından dövriyyəyə buraxdığı 800 milyon dollara yaxın vəsait oliqarxların cibinə gedib, nəticədə bu vəsaitlərin iqtisadiyyata heç bir təsiri olmayıb.
Ermənistan Mərkəzi Bankının mətbuat katibi Zauri Barseqyan bildirib ki, ölkədə bir saat ərzində dolların drama nisbətdə kursu kəskin artaraq 380 dram olub. Bundan əvvəl isə dolların kursu 307 dram idi.
Bu ilin aprel ayında Ermənistanda benzin və dizel yanacağının qiyməti də artıb. Mart ayına nisbətən müvafiq olaraq 5,8 və 2,3 faiz yüksəlib. 2011-ci ilin aprel ayı ilə müqayisədə benzin 15,3, dizel yanacağı 9,3, 2011-ci ilin dekabr ayına nisbətən müvafiq olaraq 12,8 və 4,9 faiz bahalaşıb.
Bütün xəbərlər Facebook səhifəmizdə
USD
EUR
GBP
RUB