Yaşlıların ehtiyacları necə qarşılanır? - TÜRKİYƏDƏ

Bələdiyyə işçiləri, polis və daxili qoşunların əməkdaşları yaşlıların ehtiyaclarını qarşılayır. SİA-nın məlumatına görə, koronavirus tədbirləri çərçivəsində küçəyə çıxması qadağan edilən 65 yaşından yuxarı olanlarla kimsəsiz yaşlı və xroniki xəstəliyi olan şəxslərin ehtiyacları bələdiyyə işçiləri, polis və daxili qoşunların əməkdaşları tərəfindən qarşılanır.

Xəstəliyə yoluxma riski yüksək olan 65 yaşından yuxarı və xroniki xəstəliyi olan vətəndaşlara Daxili İşlər Nazirliyi tərəfindən sağlamlıqları üçün küçəyə çıxmaları qadağan edildikdən sonra onların ehtiyacları icra hakimiyyətləri daxilində yaradılan Vəfa Sosial Dəstək Qrupunun koordinasiyası ilə polis, daxili qoşunların əməkdaşları və bələdiyyə işçiləri tərəfindən qarşılanır.

Türkiyədə bu günə qədər ümumilikdə 27 min 969 test edilib, 1872 yoluxma faktı qeydə alınıb, 44 vətəndaş həyatını itirib.

Müəllif: Aysel Məmmədova

Bütün xəbərlər Facebook səhifəmizdə

loading...