Rusiya Maliyyə Nazirliyi daxili bazarda yenidən valyuta və qızıl alışına başlanacağını açıqlayıb. SİA xarici KİV-ə istinadən xəbər verir ki, nazirliyin yazılı bəyanatında bildirilib ki, daxili bazarda valyuta və qızıl alışları 2025-ci ilin iyun ayında dayandırılmışdı və büdcə qaydaları çərçivəsində 8 may–4 iyun tarixləri arasında bu proses yenidən bərpa olunacaq.
Analitiklər hesab edir ki, alışların bərpası neft gəlirlərinin artması ilə bağlıdır.
İran İslam İnqilabı Keşikçiləri Korpusu isə 28 fevralda ABŞ/İsrail hücumlarından sonra 2 mart tarixində Hörmüz boğazının keçidlər üçün bağlandığını açıqlamış, bunun ardınca qlobal neft qiymətləri sürətlə artmışdı.
Rusiya Maliyyə Naziri Anton Siluanov 3 may tarixində verdiyi açıqlamada qeyd etmişdi ki, son dövrlərdə neft qiymətlərində baş verən artım nəticəsində dövlət büdcəsinə təxminən 200 milyard rubl (təxminən 2,7 milyard dollar) əlavə gəlir daxil olub.
Bütün xəbərlər Facebook səhifəmizdə
USD
EUR
GBP
RUB
