...Ukrayna Silahlı Qüvvələri tərəfindən əsir götürülən Çin vətəndaşları Ukraynaya qarşı döyüşlərdə iştirak etmək istəmədiklərini iddia edirlər. Amma ruslar onları zorla cəbhəyə göndəriblər.
SİA-nın məlumatına görə, RBC-Ukrayna xəbər verir ki, bu barədə çinlilər mətbuat konfransında bildiriblər.
Hər iki çinli etiraf edib ki, heç bir döyüş təcrübəsi olmadan da Rusiya ordusu ilə müqavilə imzalayıblar.
Onlardan birinin dediyinə görə, o, "tibbi reabilitasiya" ilə işləmək istəyirdi, lakin Rusiyaya gəldikdən sonra dərhal cəbhəyə göndərildi.
İkinci Çin vətəndaşı isə bildirib ki, guya o, cəbhəyə getmək istəmirmiş, amma məcbur olub.
…Çində normal işim, ailəm, həyat yoldaşım, valideynlərim var idi. COVID zamanı işimi itirdiyim üçün belə part-time iş tapmaq qərarına gəldim.
Bunu deyən çinli əsir əlavə edib ki, Çinin informasiya məkanında Rusiya Federasiyasının imici dost kimi təqdim olunur və ruslar bundan yararlanırlar.
…Rusiya Federasiyasına olan etimaddan istifadə edərək, Çin vətəndaşlarını sürükləyirlər. Mən bunu tələ adlandıra bilərəm.
Çinli əsir Vanq Quanqjun deyib bunu.
Öz növbəsində Zhanq Renbo qeyd edib ki, Çin standartlarına görə onun ailəsi varlı olub.
…Heç bir problemimiz yox idi, üstümüzdə kifayət qədər pulumuz var idi. Əvvəlcə Rusiyaya səyahətə getdim, sonra pul qazanmağa qərar verdim. Amma mən müharibə ilə nəticələnəcəyini gözləmirdim.
Bunu deyən Zhanq Renbo 20 dekabr 2024-cü ildə Moskvaya gəldiyini və orada bir həftə qaldığını açıqlayıb.
Dekabrın 28-də o, Rostova gəlib və orada altı gün qalıb. Daha sonra o və digər əsgərlər müvəqqəti olaraq işğal altında olan Donetskə göndərilib.
Orada birbaşa cəbhəyə göndərilənə qədər Rusiya tərəfində vuruşan digər əcnəbilərlə təxminən bir ay ünsiyyətdə olublar.
…Onların komandiri rus olub. O, çinlilərə tərcüməçisiz əmrlər verir, hər şeyi jestlərlə izah edirdi.
Və bu, bir bölmədə 10 Çin vətəndaşı, ikincidə isə iki nəfər olmasına baxmayaraq çinlilər ağır işlərdə istifadə ediklərini söyləyiblər.
Dediklərinə görə, onların birbaşa döyüşlərdə iştirak etməyə vaxtları olmayıb - biri yaralanıb, ikincisi isə təslim olub.
Hər ikisi dəyişdirilmələrini istəyirlər.
…Tipik olaraq, Çin vətəndaşları Rusiya ordusuna qoşulmaq üçün vasitəçilərdən, əsasən də əcnəbilərdən istifadə edirlər. Xatırladaq ki, aprelin 8-də Ukrayna prezidenti Vladimir Zelenski Ukrayna Silahlı Qüvvələrinin Rusiya tərəfində döyüşən iki Çin vətəndaşını əsir götürdüyünü bildirmişdi. Daha sonra o, Ukraynanın Rusiya Federasiyasının tərəfində müharibədə iştirak edən 150-dən çox çinlini tanıdığına aydınlıq gətirib.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB