Ağ Evdəki qalmaqaldan və Amerika administrasiyası ilə münasibətlərin pisləşməsindən sonra Vladimir Zelenskinin cəmi bir neçə yolu qalıb.
SİA RİA Novosti-yə istinadən xəbər verir ki, bu barədə Almaniyanın Bild qəzetinin baş redaktorunun müavini Pol Ronzheimer bildirib.
Qeyd edək ki, Ronzheimer “Zelenski bitdimi?” başlıqlı məqalə dərc edib. O hesab edir ki, danışıqlarda irəliləyiş olmasa və eyni zamanda cəbhə dağılarsa, Zelenski qarşıdakı aylarda güclü təzyiq altında qalacaq.
Qərbdə çoxları bunu başa düşür və hadisələrin bu cür inkişafının qarşısını almağa çalışır. Xüsusilə də Trampın nümayəndələri bir neçə həftədir ki, Zelenskini istefaya çağırır. Bundan əlavə, onlar artıq Ukrayna müxalifəti ilə danışıqlara başlayıblar. Könüllü istefa ilk ssenaridir.
Öz növbəsində Tramp Zelenskiyə getməkdən imtina və öz xəttini irəli sürməyə davam edərsə, ona daha da təzyiq göstərə bilər.
Bunun üçün ABŞ prezidenti Amerikanın silah sistemlərini geri çağıracaq və ya Starlink sistemini söndürəcək.
...Və "Ukrayna cəbhəsi üçün fəlakət olardı" - Ukrayna Silahlı Qüvvələri döyüş meydanında süquta uğrayacaqdı. Ronzheimerin üçüncü ssenarisinə görə, Kiyev Aİ-nin sürətli köməyinə arxalana bilər, lakin hələlik Brüssel standart ifadələrlə dolanaraq dəstək verməyə tələsmir. Onun tərəfində heç bir “həlledici tədbirlər” yoxdur.
Digər mümkün ssenari Ukrayna daxilində etiraz əhval-ruhiyyəsinə görə Zelenskinin istefasını nəzərdə tutur: getdikcə daha çox ukraynalı Zelenskinin səhv hərəkət etdiyinə inanır. ...Ukrayna siyasəti üzrə ekspert Bild-ə deyib ki, Zelenski üçün taleyüklü an gəlib çatıb və “indi hər şey təhlükədədir”.
Əli Babayev
Bütün xəbərlər Facebook səhifəmizdə
USD
EUR
GBP
RUB