Türkiyə İsveçdə məktəblərdən birinə edilən hücumda həyatını itirənlərin ailələrinə və İsveç xalqına başsağlığı verib.
SİA-nın məlumatına görə, Türkiyə Xarici İşlər Nazirliyi İsveçdəki hücumla bağlı bəyanat verib.
Bəyanatda fevralın 4-də məktəblərdən birinə edilən hücumla bağlı dərin kədər ifadə edilib, həyatını itirənlərin ailələrinə və İsveç xalqına başsağlığı verilib, yaralılara şəfa dilənib.
Qeyd edək ki, İsveç polisi Örebro şəhərində baş verən atışmada 10-a yaxın adamın öldüyünü bildirib.
Açıqlamada yaralıların ümumi sayının bilinmədiyi, ölənlərin şəxsiyyətinin müəyyənləşdirilməsinin davam etdiyi və ölənlər arasında hücumu təşkil edən şəxsin də olduğu bildirilib.
Bütün xəbərlər Facebook səhifəmizdə
USD
EUR
GBP
RUB