...Engels şəhərində pilotsuz təyyarənin hücumunun nəticələrinin aradan qaldırılması zamanı iki yanğınsöndürən həlak olub.
SİA rus saytlarına istinadən xəbər verir ki, bu barədə Saratov vilayətinin qubernatoru Roman Busargin Telegram-da məlumat verib.
Həmçinin, səlahiyyətlilərin məlumatına görə, Fövqəladə Hallar Nazirliyinin yanğınsöndürmə xidmətinin daha bir əməkdaşı yanğını söndürərkən ağır xəsarət alıb.
O, xəstəxanaya yerləşdirilib. Səhiyyə nazirinin zərərçəkənlərə tibbi yardım göstərilməsini xüsusi nəzarətə götürdüyü bildirilir.
Şəhərdə havanın təmizliyi Rospotrebnadzor şöbəsinin mütəxəssisləri tərəfindən qeydə alınır - hazırda çirkləndiricilərin miqdarı normadan artıq deyil.
Engelsdə yanğın sahəsinin artması ilə əlaqədar fövqəladə vəziyyət elan edilib.
…Qyd edək ki, yanvarın 8-nə keçən gecə Engels və Saratov şəhərləri Ukrayna Silahlı Qüvvələrinin (AFU) pilotsuz təyyarələrinin hücumuna məruz qalıb. Sənaye müəssisələrindən birinə ziyan dəyib. Ümumilikdə Rusiya ərazisi üzərində 32 Ukrayna pilotsuz uçan aparatı vurulub.
Əli Babayev
Bütün xəbərlər Facebook səhifəmizdə
USD
EUR
GBP
RUB
