Türkiyənin Daxili İşlər Nazirliyinin Miqrasiya İdarəsi suriyalıların ölkələrinə könüllü, təhlükəsiz, şərəfli və nizamlı şəkildə geri qayıdışlarının problemsiz davam etməsi üçün bütün zəruri tədbirlərin görüldüyünü açıqlayıb.
SİA xəbər verir ki, idarənin sosial media hesabından verilən açıqlamada ölkələrinə qayıtmaq istəyən suriyalıların geri dönüş prosesləri və icazəli giriş-çıxış hüquqlarına dair məlumat verilib. Açıqlamaya görə, könüllü, təhlükəsiz, şərəfli və nizamlı geri dönüşlərin mədəniyyət dəyərlərinə uyğun şəkildə həyata keçirilməsi və prosesin problemsiz davam etməsi üçün bütün tədbirlər görülüb.
Hal-hazırda geri dönüş prosesləri Hatayda Cilvəgözü və Yayladağı, Kilisdə Öncüpınar, Qaziantepdə Karkamış və Şanlıurfada Akçakale quru sərhəd keçid məntəqələrindən həyata keçirilir.
Proseslər dörd mərhələdə aparılır: randevu alma, Vilayət Miqrasiya İdarəsinə getmə, sərhəd məntəqəsindəki əməliyyatlar və çıxış.
Ölkəsinin mövcud vəziyyətini yerində görmək və geri dönüş hazırlığı aparmaq istəyən müvəqqəti qoruma altında olan suriyalılara icazəli giriş-çıxış hüququ tanınır.
1 yanvarda başlayan və 1 iyulda sona çatacaq bu hüquq maksimum 3 dəfə istifadə edilə bilər və ailə başçısına təqdim olunur. Ailə başçısının çıxış edə bilməyəcəyi halda ailə adından yetkin yaşda olan digər bir üzv bu hüquqdan istifadə edə bilər.
Kilisdə Çobanbəy və Hatayda Zeytindalı quru sərhəd keçid məntəqələrindən həyata keçirilən icazəli giriş-çıxış proseslərində çıxış edən şəxslər Türkiyəyə eyni məntəqədən geri dönməlidirlər.
Bütün xəbərlər Facebook səhifəmizdə
USD
EUR
GBP
RUB