ABŞ Müdafiə Nazirliyi (Pentaqon) Suriyanın şimalındakı hadisələrlə bağlı Türkiyə ilə təmasda olduqlarını bəyan edib.
SİA-nın məlumatına görə, Pentaqonun sözçüsü general-mayor Pat Ryder gündəlik mətbuat konfransında Suriyanın Hələb şəhəri və ətrafındakı hadisələrlə bağlı sualları cavablandırıb.
Pat Ryder Suriyada dəstəklədikləri bölücü terror təşkilatı PKK/YPG-yə bağlı Suriya Demokratik Qüvvələri (SDQ) ilə əməkdaşlığın yalnız DEAŞ-la mübarizə çərçivəsində olduğunu bildirib və ABŞ hava qüvvələrinə məxsus təyyarələrin Suriya rejiminə aid bəzi hədəfləri vurduğuna dair xəbərləri təsdiqləyib.
Ryder rejim qüvvələrinə aid bir T-64 tankı və raket batareyalarının zərərsizləşdirildiyini və bu hücumların SDQ-yə dəstək deyil, bölgədəki Amerika əsgərlərini qorumaq məqsədi daşıdığını qeyd edib.
Ryderdən Hələbi ələ keçirən müxalif qrupların separatçı terror təşkilatı PKK/YPG ilə qarşı-qarşıya qalması halında ABŞ-ın hansı münasibət sərgiləyəcəyi soruşulub.
“Biz DEAŞ-a qarşı mübarizəmiz zamanı SDQ-ni dəstəklədik. Bizim Suriyadakı varlığımız DEAŞ-a qarşı mübarizə aparmaqdır və bu diqqət mərkəzimiz dəyişməyəcək”, - deyə o, cavab verib.
ABŞ sözçüsü onu da deyib ki, Suriyanın şimal-qərbində baş verən hadisələri izləyərkən açıq ünsiyyət xətlərimizi təmin etmək üçün Türkiyə də daxil olmaqla, bölgədəki tərəfdaşlarla əlaqə saxlayırıq”.
Bütün xəbərlər Facebook səhifəmizdə
.jpg)
USD
EUR
GBP
RUB