Konqoda BMT-yə məxsus helikopter atəşə tutulub. SİA AFP agentliyinə istinadən xəbər verir ki, hadisə ölkənin şərqində baş verib.
Naməlum silahlı şəxslər BMT-nin Konqo Sabitləşdirmə Missiyasının helikopterini atəşə tutub.
İnsident nəticəsində Cənubi Afrika Respublikasından olan bir sülhməramlı ölüb, bir nəfər isə yaralanıb. Helikopteri təyinat nöqtəsinə endirmək mümkün olub.
BMT-nin helikopterinin kim tərəfindən atəşə tutulduğu məlum deyil.
Bütün xəbərlər Facebook səhifəmizdə