.jpg)
""Qarabağ"–"Kopenhagen" oyunu öncəsi təhlil edəndə, ilk növbədə, qeyd etmək lazımdır ki, "Qarabağ" artıq Çempionlar Liqasının qrup mərhələsində iştirak edən təcrübəli komandadır. Bu təcrübə onlara böyük üstünlük verir. Komandanın ən güclü tərəfi kollektiv oyuna bağlılıqları və intizamlı müdafiə xəttidir". Bu sözləri SİA-ya açıqlamasında keçmiş futbolçu Vaqif Cavadov deyib.
.jpg)
Onun sözlərinə görə, Qurban Qurbanovun rəhbərliyi altında futbolçular həm topa sahib olanda, həm də topu itirdikdə kompakt oynamağı bacarırlar. Hücumda isə hücumçuların sürətli çıxışları və yarımmüdafiənin kreativliyi rəqib müdafiəsini çaşdırmaq potensialına malikdir: "Amma zəif tərəflərə də toxunmaq lazımdır. "Qarabağ"ın bəzən oyun ərzində ardıcıl təzyiqi saxlaya bilməməsi və müdafiədən hücuma keçiddə səhvlərə yol verməsi risk yarada bilər. "Kopenhagen" kimi fiziki cəhətdən güclü və intizamlı komandalara qarşı bu, ciddi təhlükədir. Ona görə də Qarabağ meydanda daha çox topa nəzarət etməli və rəqibə boş sahə verməməlidir. 1-ci turda keçirilən "Benfika"–"Qarabağ" oyununa da qısaca toxunum. Açığı, hamı portuqal nəhənginin rahat qələbə qazanacağını gözləyirdi, amma "Qarabağ" orada göstərdi ki, asan rəqib deyillər. Xüsusilə də oyunun müəyyən epizodlarında Azərbaycan təmsilçisi hücumda cəsarətli göründü və Benfikanın müdafiəsini çaşdırmağı bacardı. Hərçənd ki, nəticədə təcrübə və fərdi ustalıq öz sözünü dedi, amma bu görüş "Qarabağ"ın qrupda hər bir komanda ilə mübarizə apara biləcəyini göstərdi.
Fikrimcə, "Kopenhagen"lə görüş "Qarabağ" üçün həlledici ola bilər. Çünki bu komanda ilə real olaraq xal qazanmaq mümkündür. Əgər futbolçular "Benfika" qarşısında göstərdikləri əzmkarlığı və taktiki intizamı davam etdirə bilsələr, hətta 3 xal da mümkündür. Bu oyun, həm də azarkeşlərə göstərmək üçün bir şansdır ki, "Qarabağ" Avropanın istənilən klubuna qarşı mübarizə aparmağa qadirdir".
Bütün xəbərlər Facebook səhifəmizdə
.jpg "Özbəkistanlı məşhur aktrisa Bakıda! EKSKLÜZİV GÖRÜNTÜLƏR!")
USD
EUR
GBP
RUB
