“Lənkəran” basketbol klubunun oyunçusu Əbdülmətin Quliyevin SİA-ya müsahibəsini təqdim edirik:
- “Şəki” klubundan “Lənkaran”a keçməyinizə nə səbəb oldu?
- “Şəki”də olduğum müddətdə komandanı dəyişdirmək qərarı almışdım. Özümə uyğun komanda axtarırdım. Əsasən yerli və cavan oyunçuların yer aldığı komanda da iştirak etmək istəyirdim. Məhz bu komandanın da “Lənkəran” olduğunu gördüm. Ona görə də burada iştirak etmək qərarına gəldim.
- Öz klubunuzla yollarınızı nəyə görə ayırdız?
- “Şəki” bildiyiniz kimi B qrupunun hazırda favorit komandasıdır. Məndə bu komandanın dəyərli parçalarından biri idim. Xüsusilə də Bedri Meric bu məqamı mənə çox vurğulayırdı. Sadəcə mən daha çox şans ala biləcəyim yeri seçmək üçün komandamı dəyişdim.
- “Lənkəran”a keçidiniz necə reallaşdı?
- Agendam ilə əlaqə saxladım. O mənə bu klubun daha uyğun olduğunu dedi. Ona görə də razılaşdım.
- Komandanız hazırda B qrupunda sonuncu pillədə qərarlaşır. Bu barədə nə düşünürsüz?
- Təbii ki, çox üzücü faktordur. Daim qalib olan komandadan məğlub olan komandaya keçid etmək fərqli abu-havadır. Böyük ehtimalla daim oyunçu dəyişikliyi, oyunlara yetəri qədər oyunçu ilə çıxmamaq və s bu kimi məsələlər “Lənkəran” komandasını sonuncu pillədə qərarlaşdırır. Hər şey biz oyunçulardan aslıdır. Qalib olmaq istəyiriksə ona uyğun hərəkət etməliyik. Hər şeyə professional yanaşmalıyıq. Əgər buna nail olsaq nəticə əldə edə bilərik.
- Azərbaycan Basketbol Liqasının 11-ci turunda “Quba”ya qarşı mübarizə aparacaqsınız. Növbəti oyununuz “Quba” ilə olacaq. Matçdan gözləntiləriniz?
- Mövsüm boyu çıxdığım ən yaxşı matç “Quba”ya qarşı olub. O zamanlar keçmiş “Cəlillabad” komandasında çıxış edirdim. Çox yaxşı tanıdığım bir klubdur. Her bir taktikasını, sistemini çox yaxşı bilirəm. Şəxsim adımdan danışsam “Quba” ilə matça ekstra motivasiya ilə çıxıram. Təbii ki, bu da oyun zamanı öz təsirini göstərir. Təbii ki, komanda olaraq da son pillələlərdə qərarlaşan klublara qarşı yaxşı mübarizə aparmalıyıq. Çünki yaxşı nəticə əldə edə bilsək daha sonar yuxarı pillələrdə qərarlaşan oyunçulara qarşı müqavimət göstərə bilərik.
- Burada əsas məqsədiniz nə olacaq?
- Mən daha çox yerli oyunçulara üstünlük verirəm. Bu səbəbdən kubokda şansımız olacağını düşünürəm. Yerli basketbolçular olaraq yaxşı çıxış edib, öz dəyərimizi daha da yüksəklərə qaldırmalıyıq. Daha çox realist məqsəddən yanayam. Buna görə də əsas foksumuzu Azərbaycan kubokuna yönəltmişik.
Banuçiçək Hüseynli
Bütün xəbərlər Facebook səhifəmizdə
USD
EUR
GBP
RUB
