Misli Premyer Liqasında XV turun növbəti oyunu keçirilib. SİA xəbər verir ki, “Şamaxı” və “Kəpəz” komandaları qarşılaşıblar. Şamaxı şəhər stadionunda təşkil olunan matç Gəncə təmsilçisinin 1:0 hesablı qələbəsi ilə yekunlaşıb.
Yeganə qolu 69-cu dəqiqədə Luis Paçu vurub. Bu nəticədən sonra "Şamaxı" kollektivi 13 xalla turnir cədvəlində 7-ci pillədə qalıb. Aktivindəki xalları 10-a yüksəldən “Kəpəz” isə 9-cu yerə qalxıb.
Günün digər görüşündə “Zirə” “Sumqayıt”ı qəbul edəcək. Zirə İdman Kompleksinin stadionunda reallaşacaq qarşılaşma saat 17:00-da başlayacaq. “Zirə” 20 xalla 5-ci, “Sumqayıt” isə 16 xalla 6-cı yerdədir.
Qeyd edək ki, turun daha əvvəl baş tutan oyunlarında "Araz-Naxçıvan" "Turan Tovuz"a, "Sabah" isə "Səbail"ə 1:0 hesabı ilə qalib gəlib. Tura dekabrın 1-də yekun vurulacaq.
Bütün xəbərlər Facebook səhifəmizdə
.jpg)
USD
EUR
GBP
RUB
