“Noyabrın 10-u gündüz saatlarından başlayaraq ölkə ərazisində hava şəraiti dəyişib. Bəzi yerlərdə yağış, dağlıq ərazilərə isə qar yağıb”. Bu sözləri SİA-ya açıqlamasında Hidrometeoroloji Proqnozlar Bürosunun direktoru Gülşad Məmmədova məlumat verib.
Onun sözlərinə görə, yağan qar nəticəsində bəzi rayonlarda 9 santimetrə çatıb: “Güclü şimal-qərb küləyi əsib. Küləyin maksimal sürəti bəzi rayonlarda 26 metr saniyəyədək, Bakıda və Abşeron yarımadasında isə 35-38 metr saniyəyədək yüksəlib”.
“Güclü külək nəticəsində dalğanın hündürlüyü neft daşlarında 6,7 metrə çatıb. Bu gün ərzində də küləkli-yağıntılı hava şəraiti davam edəcək”.
“12 noyabr səhər saatlarından başlayaraq yağıntıların tədricən kəsiləcəyi və gün ərzində əsasən yağmursuz keçəcəyi gözlənilir. Sonrakı günlər havanın temperaturu bugünlərlə müqayisədə tədricən yüksələcək”.
Ayşən Vəli
Bütün xəbərlər Facebook səhifəmizdə
USD
EUR
GBP
RUB