“Ölkə Prezdentinin birbaşa rəhbərliyi, eyni zamanda birinci vitse-prezidenti Mehriban Əliyevanın iştirakı ilə böyük quruculuq və abadlıq işləri görülür. Yeni parkların salınması, əyləncə mərkəzlərinin yaradılması, insanlarımızın asudə vaxtlarının səmərəli keçirməsi üçün atılan addımlar ölkəmizdə insan amilinə, insan kapitalına verilən böyük dəyərdir. “Hər şey insanlar üçündür”- deyən cənab Prezdentin öz vədinə hər bir zaman sadiq qaldığınının növbəti göstəricisidir. Bütün iqtisadi inkişafımızla bərabər abadlıq işlərini də unutmuruq. Hər ötən gün ölkəmizin təbiəti zənginlənir və yaşıllaşır”. Bu sözləri millət vəkili Jalə Əliyeva SİA-ya açıqlamasında deyib.
Onun sözlərinə görə, bu yaxınlarda COP29 kimi önəmli tədbiri yola saldıq və bu tədbirin də ana mövzusu yaşıl dünyanın, həmçinin dünya təbiətinin və örtüyünün xilas edilməsindən ibarət idi: “Bu istiqamətdə hələ ötən il yeni “Nəbadət” bağının təmirdən sonra açılışı oldu. Eyni zamamda salınan parklarda minlərlə ağacların əkilməsi, həmçinin onlara qulluq üçün dövlət proqramları çərçivəsində işlər həyata keçirilir. Bununla yanaşı bir neçə gün əvvəl açılışını etdiyimiz “Gənclik” stansiyası yaxınlığındakı park deyil, bir müddət əvvəl açılan “Nəbadət” bağı, “Dədə-Qorqud” parkı, həmçinin Bakının bir çox yerlərində salınan parklar ölkəmiz üçün mühüm əhəmiyyətə malikdir. Bir sıra rayonlarımızda parklarımız bərpa olunur, yenidən abadlıq, yaşıllaşdırma işləri gedir. Rayonla şəhəri bir-birinə bağlayan yolların ətrafında yaşıllıqlar salınır. Bizlər rayonlara tez-tez gedib-gələn insanlarıq, orada seçicilərimizlə görüşürük və yol kənarında görülən yaşıllaşdırma işlərinin canlı şahidi oluruq. Bütün bunlar həm təbiətin qorunması, mühafizəsi baxımından əhəmiyyətlidir, həm də ekologiyanın təmizlənməsi və insanlarımızın təmiz havada yaşamasını təmin etməkdən ibarətdir”.
Bütün xəbərlər Facebook səhifəmizdə
USD
EUR
GBP
RUB
