...Rusiyanın əməkdar artisti Tatyana Bulanova Minsk Müasir Biliklər İnstitutunun Musiqi və Estrada Sənəti fakültəsinin birinci kurs tələbəsi olub.
SİA-nın məlumatına görə, "Mənim aydın işığım" və "Mənim sevgilim" hitlərinin ifaçısı bu xəbəri "Yol radiosunun ulduzları" üçün 13-cü Xalq Mükafatı mərasimində bildirib.
...Mən fərdiləşdirilmiş plan üzrə təhsil alacağam. Orada çox maraqlı fənlər var: psixologiya, incəsənət tarixi və məsələn, rəssamlıq tarixi. Mən hamısını həqiqətən sevirəm, - deyə Tatyana Bulanova bildirib.
Müğənni əlavə edib ki, boş vaxtlarında indi institutda tədris olunacaq mövzularla bağlı onlayn videolara baxmaqdan zövq alır.
Jurnalistin təhsil formatı ilə bağlı sualına cavab verən müğənni fərdiləşdirilmiş planının olduğunu vurğulayıb.
Lakin buna baxmayaraq, o, dərslərdə iştirak etmək üçün vaxtaşırı Minskə gələcək.
O, hazırda ona ev tapşırığı verilmədiyini deyir.
...Mən tələbə biletimi təzə aldım. Birinci kursa qəbul oldum. Əlbəttə ki, gələcəkdə ev tapşırığı olacaq, - deyə rus müğənni bildirib.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
