"Azərbaycanın 1992-ci il martın 2-də Birləşmiş Millətlər Təşkilatı-na üzv qəbul olunması dövlət müstəqilliyinin beynəlxalq hüquqi müstəvidə təsdiqlənməsi baxımından mühüm və tarixi hadisə idi. Müstəqilliyini yenicə bərpa etmiş bir dövlət üçün qlobal təşkilata üzvlük təkcə formal prosedur deyil, həm də beynəlxalq sistemə inteqrasiyanın başlanğıcı demək idi".
Bu sözləri SİA-ya açıqlamasında beynəlxalq ekspert Anar Əliyev deyib.
Onun sözlərinə görə, bu addım Azərbaycanın suverenliyinin dünya birliyi tərəfindən tanınmasını və beynəlxalq hüququn subyekti kimi qəbul edilməsini təmin etdi: "1992-ci il martın 2-də BMT Baş Məclisinin 46-cı sessiyasında qəbul edilən qətnamə ilə Azərbaycanın təşkilata 181-ci üzv kimi qəbul olunması ölkənin diplomatik tarixində dönüş nöqtəsi oldu. Nyu-Yorkdakı iqamətgah qarşısında Azərbaycan bayrağının qaldırılması yalnız rəmzi hadisə deyildi; bu, Azərbaycanın beynəlxalq münasibətlər sistemində öz yerini tutduğunu nümayiş etdirirdi. Ardınca 1992-ci il martın 6-da Azərbaycanın BMT yanında daimi nümayəndəliyinin fəaliyyətə başlaması və həmin ilin noyabrında BMT-nin ölkəmizdə daimi nümayəndəliyinin açılması əməkdaşlığın institusional əsaslarını formalaşdırdı. Bu üzvlük xüsusilə Ermənistan-Azərbaycan münaqişəsinin davam etdiyi mürəkkəb dövrdə Azərbaycanın mövqeyini beynəlxalq platformaya çıxarmaq üçün mühüm imkanlar yaratdı. Məhz BMT çərçivəsində Azərbaycanın ərazi bütövlüyünü təsdiqləyən sənədlər qəbul edildi və bu sənədlər sonrakı diplomatik proseslər üçün hüquqi baza rolunu oynadı. Bu baxımdan, BMT platforması Azərbaycanın milli maraqlarının müdafiəsi üçün əsas tribuna funksiyasını yerinə yetirdi. Digər tərəfdən, BMT-yə üzvlük Azərbaycanın çoxtərəfli diplomatiya modelini seçdiyini göstərirdi. Humanitar, sosial-iqtisadi inkişaf, qaçqın və məcburi köçkün problemləri, dayanıqlı inkişaf məqsədləri kimi istiqamətlərdə BMT agentlikləri ilə əməkdaşlıq ölkənin daxili sabitliyinə və institusional inkişafına töhfə verdi. Bu əməkdaşlıq Azərbaycanın beynəlxalq layihələrə qoşulmasına, maliyyə və texniki dəstək almasına, eləcə də qlobal təşəbbüslərdə fəal iştirakına şərait yaratdı.
Strateji baxımdan qiymətləndirdikdə, BMT-yə üzvlük Azərbaycanın müstəqil xarici siyasət kursunun əsas sütunlarından birinə çevrildi. Bu addım ölkənin beynəlxalq təhlükəsizlik, enerji diplomatiyası, regional əməkdaşlıq və multilateralizm prinsipləri əsasında fəaliyyət göstərməsinə geniş imkanlar açdı. Azərbaycan sonrakı illərdə BMT strukturlarında fəal iştirak etməklə, o cümlədən qurumun müxtəlif komitə və təşəbbüslərində yer almaqla öz beynəlxalq nüfuzunu artırdı. 1992-ci ildə BMT-yə üzv qəbul olunmaq Azərbaycanın müstəqil dövlət kimi möhkəmlənməsində, beynəlxalq hüquqi təminat əldə etməsində və qlobal siyasi sistemə inteqrasiyasında həlledici rol oynadı".
Bütün xəbərlər Facebook səhifəmizdə
.jpg "Makron Avropanı satdı - XƏYANƏT")
.jpg "ABŞ-dan İrana kritik danışıq təklifi - SON DƏQİQƏ")
.jpg "Rus əsgərləri Qovulu! - Nə Baş Verir?")
.jpg)
USD
EUR
GBP
RUB