Azərbaycan Orta Asiyada iqtisadi və siyasi varlığını gücləndirir

22 Oktyabr 2025 13:33 | 3 162
Azərbaycan Orta Asiyada iqtisadi və siyasi varlığını gücləndirir

Mətləb Salahov: “Rəsmi Bakı artıq Orta Asiya coğrafiyasında da fəal iqtisadi və siyasi aktora çevrilməyi hədəfləyib”

“Azərbaycan Prezidentinin son Qazaxıstan səfəri təkcə iki ölkə arasındakı əlaqələrin genişləndirilməsi və yeni layihələrin hazırlanması baxımından deyil, həm də genişmiqyaslı iqtisadi və siyasi perspektiv baxımından önəmlidir. Bu səfər ilk növbədə tarixi, dini və mədəni bağlılıqları olan türkdilli ölkələrin inteqrasiyası baxımından əhəmiyyətlidir. Çünki hər iki ölkə Türk Dövlətləri Təşkilatında təmsil olunurlar, üstəlik məhz bu iki ölkə keçmiş sovet regionunda iqtisadi və siyasi çəkisinə görə fərqlənirlər. Qazaxıstan Orta Asiyada böyük ərazilərinə və iqtisadi pıotensialına görə lider ölkə qismindədir. Azərbaycan isə artıq nəinki Cənubi Qafqaz bölgəsində, ən önəmlisi beynəlxalq miqyasda mühüm tərəfdaş ölkə, iqtisadi potensialına görə hesablaşılan dövlət, ən əsası da günü bu gün Avropanın enerji təhlükəsizliyi üçün bir nömrəli ölkə statusundadır. Bunlar gerçək faktlardır, sadəcə xoşagəlimli ifadələr deyil.”

Bu fikirləri SİA-ya şərhində jurnalist-ekspert Mətləb Salahov bildirib. Onun fikrincə Prezident İlham Əliyevin Astanada gələcək tərəfdaşlıq və mühüm layihələr barədə səsləndirdiyi aktual fikirlər rəsmi Bakının artıq Orta Asiya coğrafiyasında da fəal iqtisadi və siyasi aktora çevriləmkdə olduğunu ortaya qoyir: “Diqqət edin, Azərbaycan Prezidenti mətbuat konfransı zamanı qeyd etdiyi kimi, Bakı və Astananın fəal qarşılıqlı fəaliyyəti ciddi geosiyasi əhəmiyyət daşıyır.
Bu ilk növbədə rəsmi Bakının və Astananın geosiyasi proseslərin lokomotiv qüvvəyə çevrilmək niyyətini açıqca ortaya qoyur. Qazaxıstan rəhbərliyinin dünən elan etdiyi kimi, qardaş ölkə Azərbaycanla birgə müəssisələrin yaradılmasında maraqlıdır, bundan başqa Bakı ilə ticarət dövriyyəsində yaxın illərdə 1 milyard dollara çatdırmaq niyyətindədir. Bu fikirlər o deməkdir ki, Azərbycan Orta Asiya ölkələrinin gələcək iqtisadi həyatında da önəmli pay sahibinə çevrilməyi hədəfləyib”.

Ayşən Vəli

Digər layihələrimiz

  • “Səs” qəzeti
  • Səs İnformasiya Agentliyi
  • Sia Sport
  • Sia Trave
VTB