"Aprel hadisələri kimi Azərbaycanın hərb tarixinə girən döyüşlər məhdud tapşırıq çərçivəsində keçirilirdi. Bunu keçirmək Azərbaycanın Ermənistan tərəfindən təmas xəttində yaşayış məntəqələrini və dinc əhaliyə, həmçinin mülki infrastruktura qarşı təcavüzənə cavab idi, çünki yalnız, xırda yaxud da iri çaplı atıcı silahlardan yox, hətta minaatanlardan, artilleriyadan atəş açılırdı. Təhlükə yaradılan ərazilərə yaxın olan yaşayış məntəqələrini, dinc əhalini və mülki infrastrukturu müdafiə etmək məqsədi ilə o istiqamətdə olan Azərbaycan ordusunun hərbi hissələri təhlükənin qarşısını almaq tapşırığını aldılar. Bu Talış kəndi və Lələtəpə istiqamətində olan təhlükəyə qarşı görülən tədbir idi. Azərbaycan ordusu qısaca bir zamanda işğalçı qüvvələri həmin istiqamətlərdə darmadağın etdi. Ohanyan keçilməz müdafiə xəttini yardılar və düşmən mövqelərini ələ keçirərək, onları oradan uzaqlaşdırdılar. Bununla da o istiqamətdə olan yaşayış məntəqələrinin, dinc əhalinin və mülki infrastrukturun təhlükəsizliyini təmin etdilər. Bu məhdud tapşırıq idi və həmin tapşırığı Azərbaycan ordusunun o istiqamətdə olan hərbi hissələri müvəffəqiyyətlə yerinə yetirdi. Bu zaman biz Azərbaycan ordusunun döyüşçüləri qəhrəmanlığı və canı bahasına şəhidlik zirvəsinə ucalaraq qarşıya qoyulan tapşırığı yerinə yetirilməsinə qadir olduğunu Azərbaycan əsgəri sübut etdi". Bu sözləri SİA-ya açıqlamasında hərbi ekspert, ehtiyatda olan polkovnik Şair Ramaldanov deyib.
Onun sözlərinə görə, Azərbaycan Respublikası Silahlı Qüvvələrinin Ali Baş Komandanı, Azərbaycan Respublikası Prezidenti cənab İlham Əliyev aprel döyüşlərinin yekunlarını yüksək qiymətləndirərək söyləmişdi ki, "Azərbaycan ordusu qısaca bir zamanda işğalçı qüvvələri darmadağın edib, ərazi bütövlüyünü bərpa etməyə qadirdir": "Bu Ali Baş Komandan tərəfindən öz ordusuna verildiyi qiymət, sonradan anons kimi qəbul olundu. Doğurdan da, Azərbaycan Respublikasının Prezidenti dediyi kimi, qısaca bir zamanda, yəni 44 günün ərzində düşmən qüvvələri darmadağın edib, ərazi bütövlüyünü bərpa elədi. Artıq düşmən tərəfi Azərbaycan ordusunun nəyə qadir olduğunu bildi. Demək olar ki, Azərbaycan ordusu tərəfindən aprel hadisələrinə kimi belə bir ciddi və nəticəli işğalçıların atəşkəsi pozmasına cavab verilməmişdir".
Ekspert bildirib ki, Azərbaycan ordusunun erməni işğalçı qüvvələrə qarşı qısaca bir zamanda bu cür qəhrəmanlıqla nəticələnən döyüş toqquşmasını gözləmirdilər: "Azərbaycan ordusu Ermənistan işğalçı qüvvələrinə qarşı bu döyüşlərdə bir daha öz üstünlüyünü göstərdi. Digər tərəfdən Vətən müharibəsindən öncə aparılan sınaq kimidə qəbul etmək olar. Yəni Azərbaycan ordusu bu sınaqdan müvəffəqiyyətlə keçərək, yaxın gələcəkdə irimiqyaslı əks-hücum əməliyyatlarını keçirmək planlarını dəqiqləşdirmiş oldu. Azərbaycanda 5-25 min şəxsi heyətin cəlb edilməsi ilə təlimlər, hərbi oyunlar keçirməyə başladı. Müasir silahları aprel döyüşlərində sınaqdan keçirdi. Həm müasir silahlar, həm də onları idarə edən şəxsi heyət barəsində bir çox yeni dəyişiklik edilməsi ilə bağlı təhlillər edildi. Azərbaycan ordusunda artıq yeni silahların tədqiqi ilə aparılan irimiqyaslı təlimlərin keçirilməsi məhz yeni silahların tədqiqi ilə dəyişikliklərin aparılmasına şərait yaratdı".
Bütün xəbərlər Facebook səhifəmizdə
.jpg)
USD
EUR
GBP
RUB