“İxrac imkanlarının artması – yay mövsümündə yığılan tərəvəz, meyvə və taxıl məhsullarının bir hissəsi daxili bazarla yanaşı xarici bazarlara da çıxarılır. Bu, kənd təsərrüfatı ixracının artmasına və ölkəyə valyuta gəlirlərinin daxil olmasına səbəb olur”. Bu sözləri SİA-ya açıqlamasında Liberal İqtisadçılar Birliyinin sədri Akif Nəsirli deyib.
Akif Nəsirli sözlərinə belə davam edib: “Daxili bazarda qiymətlərin sabitliyi - bol məhsul daxili bazarı təmin edir, idxaldan asılılığı azaldır və ərzaq təhlükəsizliyinə müsbət təsir göstərir.
Məşğulluğun artması - yığım mövsümü kənd yerlərində əlavə iş yerləri yaradır, mövsümi işçilər üçün gəlir mənbəyinə çevrilir.
Əlavə dəyər zənciri baxımından yığılan məhsullar emal sənayesinə yönləndirilir (konserv, şirə, quru meyvə, un, yağ istehsalı və s.), bu isə kənd təsərrüfatından sənayeyə qədər əlavə iqtisadi dəyər yaradır.
Məhsul yığımında ən çox hansı kənd təsərrüfatı məhsulları ön plandadır?
Yay mövsümündə Azərbaycanda əsasən aşağıdakı məhsullar yığılır:
- Taxıl (buğda, arpa) - iyun-iyulda əsas yığım mövsümüdür.
- Tərəvəzlər - pomidor, xiyar, badımcan, bibər, kartof.
- Meyvələr - alça, gilas, ərik, şaftalı, gavalı, armud, alçaq bölgələrdə alma.
- Texniki bitkilər – tütün, günəbaxan, bəzi rayonlarda pambıq (avqust-sentyabrda davam edir).
Yığım prosesində ən çox rast gəlinən çətinliklər hansılardır?
Hava şəraiti riskləri - gözlənilməz yağış və dolu məhsul itkisinə səbəb ola bilər.
Texnika çatışmazlığı - bəzi bölgələrdə kombayn, traktor və digər yığım texnikasının azlığı məhsul itkisinə yol açır.
Saxlanma və logistika problemləri - soyuducu anbarların məhdudluğu və daşınma xərclərinin yüksək olması nəticəsində məhsul tez xarab ola bilir.
Bazar qiymətləri - məhsul çox olduqda bazarda qiymətlərin düşməsi fermerlərin gəlirlərini azaldır.
İşçi qüvvəsi problemi - xüsusilə meyvə və tərəvəz yığımında əl əməyinə böyük tələbat var, amma bəzi bölgələrdə işçi tapmaq çətinləşir”.
Ayşən Vəli
Bütün xəbərlər Facebook səhifəmizdə
.jpg)
USD
EUR
GBP
RUB