Media Təhlil Mərkəzinin (MTM) Dövlət Statistika Komitəsinin açıqladığı rəsmi rəqəmlər əsasında apardığı təhlilə əsasən, 2009-cu ildən cari ilin aprel ayının sonunadək Azərbaycan dünya bazarlarına 170 milyard kub metrdən çox təbii qaz ixrac edib. SİA xəbər verir ki, 2009-cu ildə Azərbaycan yalnız Gürcüstana təbii qaz ixrac edirdisə, cari ilin ilk 4 ayında Gürcüstandan əlavə Türkiyə, Yunanıstan, İtaliya, Bolqarıstan və Serbiya kimi ölkələrə təbii qaz ixrac edib.
Bu dövr ərzində ən çox təbii qaz Türkiyəyə ixrac edilib ki, bu həcm 84,57 milyard kub metr təşkil edir.
İkinci sırada isə 37,93 milyard kub metr ilə İtaliya yer alır.
Azərbaycan qazını ən ucuz qiymətə alan Gürcüstan isə indiyədək ölkəmizdən 29,66 milyard kub metr təbii qaz idxal edib.
Qeyd edək ki, Avropa ölkələrindən Yunanıstan 2020-ci ildən, Bolqarıstan və İtaliya isə 2021-ci ildən davamlı olaraq ölkəmizdən təbii qaz idxal edir.
Bütün xəbərlər Facebook səhifəmizdə
USD
EUR
GBP
RUB
