F.Köçərli adına Respublika Uşaq Kitabxanası Azərbaycan uşaq ədəbiyyatının əvəzolunmaz simalarından biri olan Xanımana Əlibəylinin anadan olmasının 100 illiyi münasibətilə “Xanımana Əlibəyli 100” elektron məlumat bazasını təqdim edib. SİA-nın məlumatına görə, elektron məlumat bazası “Uşaq ədəbiyyatı xəzinəsindən” seriyası çərçivəsində tərtib olunub. 10 bölmədən ibarət olan elektron məlumat bazasında “Xanımana Əlibəylinin həyat və yaradıcılığı”, “Həyat və fəaliyyətinin əsas tarixləri”, “Görkəmli şəxsiyyətlər şairə haqqında”, “Əsərləri”, “Haqqında”, “Tərcümələri”, “Sözlərinə yazılmış mahnılar”, “Xanımana Əlibəyliyə həsr olunmuş şeirlər”, “Mükafatları”, “Fotoqalereya” bölmələri yer alıb.
Bazaya şairin həyat və yaradıcılığını (1936-2018) əhatə edən 551 adda material daxil edilib. Yazıçının əsərləri Azərbaycan, rus və digər dillərdə yerləşdirilib. Haqqında bölməsi 3 hissədən - kitablar, məqalələr, avtoreferat və dissertasiyaların biblioqrafik təsvirini özündə əks etdirir. Fotoqalereya bölməsində ədibin həm şəxsi həyatını əks etdirən fotolarla yanaşı, kitablarının foto sərgisi də verilib.
Bütün xəbərlər Facebook səhifəmizdə
USD
EUR
GBP
RUB