C.Hacıyev adına 3 nömrəli onbirillik musiqi məktəbində “Uşaqların Beynəlxalq müdafiəsi günü” ilə əlaqədar Y.Dubravinin “Pişik Filofeyin macəraları” adlı müzikl təqdim olunub. SİA-nın verdiyi məlumata görə, müzikl məktəbdə fəaliyyət göstərən “Cırtdan” (rəhbər Nigar Səmədova) və “Divizi” (rəhbər Aytən Cəfərova) xor kollektivlərinin ifasında səsləndirilib. Xorun üzvləri həm solo ,həm xor ,həm də rəqs nömrələri ilə tamaşaçıları heyrətləndiriblər.
Məktəbin foyesində F.Köçərli adına Respublika uşaq kitabxanası tərəfindən sərgi təşkil edilib. Tədbirin əvvəlində məktəbin direktoru Əməkdar müəllim Məhin Orucova çıxış edərək 1 iyun “Uşaqların Beynəlxalq Müdafiəsi günü”nün tarixindən və respublikamızda uşaqlara göstərilən diqqət və qayğıdan danışıb.
Sonda F.Köçərli adına Respublika uşaq kitabxanasının direktoru Əməkdar mədəniyyət işçisi Şəhla Qəmbərova çıxış edərək uşaqları təbrik edib və iştirakçıların hər birinə kitab hədiyyə edib. Tamaşa uşaqların marağına səbəb olub.
Tədbirdə Bakı Şəhər Mədəniyyət Baş İdarəsinin rəisi Cəlil Məlikov, Ombudsman aparatının nümayənəsi Azadə Novruzova, uşaq musiqi və incəsənət məktəblərinin direktorları və media nümayəndələri iştirak ediblər.
Bütün xəbərlər Facebook səhifəmizdə
USD
EUR
GBP
RUB